你是一名在戰場上的無名士兵: 第13章 - 8

「你哋是但揀一個嚟用。」羅傑斯把紙張置於地圖上，卡登拿起其中一張：「依家叫我哋做戲背台詞啊？」


「你唔背都得，咁你咪同啲城衛講你係嚟睇佢哋有幾多人囉。」羅傑斯推開另外兩張：「巴奇、切爾基，你哋是但揀一個睇睇。」


「遵命。」你和切爾基拿起寫下虛構身份的劇本。


「你哋三個要扮商人入去。邊個係堅尼・修達通？」羅傑斯左右看著你們三人。






「我。」切爾基舉起身份資料給羅傑斯看。


「堅尼，你係由愛莉文帝國嚟，想賣食物畀愛莉密斯之城居民嘅商人。」


「隊長，張紙上面有寫。」






「我知！但我依家要講嘅係你哋三個人要點合作，扮得唔似就會俾人識穿！梅迪・李蘭度！」


「我係。」卡登低頭雙手放在桌上閱讀資料。


「梅迪，你係堅尼嘅護衛，同堅尼係同鄉。」






「呢啲冇必要嘅設定唔會令我哋更容易穿煲咩？」卡登抱怨。


「愈複雜先愈唔會俾人問到口窒窒！巴奇你就係沙隆・尾拉托斯！」


「係！」你聚精會神地閱讀資料。


「名字：沙隆・尾拉托斯

   性別：男

   年齡：二十





   出身地：愛莉文帝國

   職業：傭兵

   喜歡的食物：牛肉、蘋果、雞肉、牛奶

   空閒時會做的事：練習劍術、散步

   性格：勇敢、慎重、不易退縮

   家庭：平民，父母皆在，有一個哥哥，女友在水果攤工作」


「沙隆，你都係商隊護衛，你哋三個係同鄉。」






你翻到後面，後面甚麼都沒有：「隊長，好似少咗我哋去愛莉密斯之城嗰陣嘅劇本。」


「嗰啲等你哋熟習咗新嘅身份之後先練！我哋冇咩時間，你哋要喺五日之內扮到好似就係佢哋咁！」


「遵命！」「遵命！」「好。」切爾基、你和卡登接下這個祕密任務。


所謂「知己知彼、百戰百勝」，了解敵人極為重要。若然沒有任何情報便貿然衝進城池，定必損失甚大。


你只是沒想到當士兵也要學習如何當戲劇演員，這種技巧在戰場上根本毫無用處。難道刀劍交鋒時有言語的存在空間嗎？






你原本以為士兵的工作就是上戰場殺敵，但隊長居然叫你們做與戰鬥一點關係也沒有的工作，這些不是由情報部門負責的嗎？


你最擔心卡登會不會老實跟著劇本走，他的性格根本最不適合演戲。他應該會用：「我唔扮佢都冇我符」之類的理由直接不練習，然後期望被送回去。隊長一定會預計到這點而有甚麼對策。