你是一名在戰場上的無名士兵: 第13章 - 11

「隊長有教過我哋，佢叫我哋當自己就係嗰個人。」切爾基雙手緊握韁繩。

接頭人嚴肅地說：「記住，做呢行同打仗一樣咁危險。喺戰場你郁錯一下就會死，而喺呢度你講錯一句嘢都可以殺死你。」

「又係，我哋大返佢佢又唔會驚。」卡登說。

「我哋要謙虛啲。」你頭上剛好有兩隻黑鳥飛過。

你們目前身處的道路只需要用三十分鐘便能到達布朗斯帝國國境，一起行就沒有太多時間覆習台詞了。





「我冇咩可以提你哋，但要記住佢哋會好小心，所以你哋都要好小心好小心咁講嘢。」接頭人騎上其中一隻你們騎過來的馬。

「係喎！我哋啲馬點算？」切爾基問。

「我會幫你哋送返返去，你哋專心完成任務就得。」

「多謝晒！」卡登騎到馬車左前方，你跟著他騎到右前方。

你分不清他們是在演戲還是做回自己。





「祝你哋好運。」接頭人說。

「我哋依家出發！」切爾基抽動韁繩，馬車開始前進，你和卡登跟上速度保持陣型。

昨天，羅傑斯隊長在任務開始前一天叫你們到營中做最後準備。

「你哋三個係咪已經計劃好行程？」

你們四人圍著地圖預演，「應該計劃......」「咩叫應該？計劃好就計劃！做人可唔可以唔好咁冇自信？」羅傑斯對切爾基呼喝。





「只要堅尼準備好，我梅迪・李蘭度隨時都可以出發！」卡登一如既往馬上進入狀態。

「我沙隆・梅拉托斯都隨時可以出發！」你行軍禮。

「堅尼，你應該學佢哋兩個果斷啲，唔好樣樣嘢都好似好驚會出事所以縮埋一嚿咁。」羅傑斯看著切爾基。

「遵、遵命！」切爾基勉強地立正。

「我希望你可以做到啦，畢竟我見你有潛力。」

「潛力？」切爾基不明白羅傑斯的意思。

「你當冇聽到。我今日叫你哋嚟係為咗同你哋講愛莉密斯之城嘅防備，佢哋大概會問你哋啲咩！我之前都講過佢哋好嚴，一露出馬腳就準備搞三四個鐘！」

你和切爾基被他弄到緊張得身體繃緊，卡登則是毫無畏懼。





「你哋呢幾日係咪都好好掌握咗自己嘅角色？」

「係！」「係！」「係！」卡登、你和切爾基先後回應。

「好！咁我依家會扮係佢哋，你哋要認真聽清楚再完美無暇咁應我！」

「遵命！」

「咁我嚟喇。」羅傑斯下一句的語調很有敵意，音調也低沉許多：「你哋嚟依度做咩？」

「我哋嚟送食物畀呢度啲平民。」切爾基認真地回應。

「你哋喺邊度嚟？」





「愛莉文帝國。」

「愛莉文帝國邊座城？」

這道問題的答案沒有寫在資料上，切爾基被殺了一個措手不及而沒有即時回答。