或者個天真係想玩我,或者老闆想玩我...
有一日老闆走黎問我,:「你team個女仔present得唔得ga? 我地今次個meeting,聽講對家個老細鐘意聽女仔present。借出黎用下得唔得?」

o係果一刻....我第一時間只諗倒我地team個SE, 即係唔係Alice 果個女仔。

​大概係咁既樣:


佢係一個短頭髮,樣貌OK, 打扮超Designer, 走型格路線既女仔。於是我就答我老闆:「阿芝OK, 你帶去啦。口齒靈利,中......」



老闆:「唔係講阿芝,我講你另外長長頭髮果個女仔丫。」



「老闆,乜你品味咁撚獨特ga? 有件正正常常既唔要,係要搵件傻既?係咪練金鐘罩練過左最高境界,去到前所未有既地步縮陽入腦丫?


搞左佢你係好爽,到時佢痴起上黎同你喺公司玩攤牌,我唔肯定阿嫂會唔會監生沖你落廁所喎。」.......以上係我既真心話。





當然得個諗字果隻啦。咁應該點答先得體大方又體面順便可以比老闆知道佢強將手下無弱兵呢?
 
黎到哩度,我既求生本能不停運轉。
 
須知就算係老闆自己點佢,但如果佢搞鑊左壇野,死既都係我。
 
唔通我同老闆講:「拿,哩件神經刀黎ga。你睇撚住丫。」咁咪即係斷鳩自己米路。
 
我唔算聰明既大腦運轉左一秒,諗左條絕橋。



我:「老闆,(我超想講果條淫虫) 果位老闆鍾意d 咩類型丫?」

老闆:「屌,講哩d 。男人既野,黎黎去去都係果d 類型姐…..」

我:(屌你,咁即係唔知啦。) 「老闆,哩個係事實。但你記唔記得張老板丫?上年無啦啦返大陸唱卡啦OK果個呢?」

老闆:「哦…M…..Steven Cheung丫(我肯定佢果時想講M仔張)」

講起哩個M仔張,我帶佢地成班人返去大陸同d 乜柒商會傾個代理權。

個個都道骨仙風,不食人間煙火咁。當時老闆話哩班老闆好難搞,要小心d。

去到大家話悶,問我大陸有咩名勝好玩好睇。咁我就講左d 好正經既境點啦。見佢地個個好似死老豆咁樣。於是我就開始試佢地底線。



講左句,日頭既境點就講完啦。至於夜晚呢…

比我見倒當時就起碼有5/7既人雙眼有反應。

講到卡啦OK 時,就係哩個M仔張講左句:「馬仔,我地係黎傾生意ga。唔好搞埋d無聊野。」

我:「聽日約左商會班代表三點鐘。」

其中有個人就話:「三點鐘?!咁吊腳ga?」

我:「第一日等大家休息多d ,咁樣再發揮香港人精神嘛。」

另一個就話:「是旦啦,飲杯野商量下聽日既對策都好。」

我:「咁我六點鐘o係酒店大堂等大家啦。」



最後去到卡啦OK,佢地一開頭真係o係度傾野…屌…扮乜野丫。

擺明成班都係偽君子。於是我就叫媽咪帶d 囡入黎。有技巧地話炒下氣氛。

開頭都有人反對,不過見倒d 囡之後就雙眼放光…

唯一係得M仔張仲係黑面。

咁我就出去啦,叫佢地慢慢玩。

唔想睇H 情節既朋友有福了!我帶團係從來都唔會自己玩的!

我係專業既!因為自己一飲左玩左,佢地就開心盡興,我仲要安排野同做野。



──>M 仔張情節自動刪劃<──
(總之M仔張就係一個對正常千依百順既女人無興報,點知比條dj打左一巴之後就死要人坐檯既粉皮。Sm 個m 丫~)
 
我:「有d 人好似張老闆咁,靚女對得太多,已經對一般貨色無晒感覺。阿芝夠Cool,可能比倒d新既衝激佢呢?帶埋阿芝去啦,佢一定幫倒你。」
 
老闆:「馬仔,都係你諗得周到。好,一於兩個帶晒去啦。」
 
我:「老闆...咁...阿芝而家負責緊既project...係咪可以搵人...」
 
老闆:「哦~ 你take住先咪得囉!邊有人夠你咁熟個客姐。辛苦你啦!」
 
My boss …
 




我:「老闆,咪講埋d咁樣既野。如果唔係當年你既知遇之恩,我而家仲o係果間十九公司踎緊。我對你既感激有如滔滔江水。。綿綿不絕。又有如。。」
 
我都未講完,老闆就做左個收皮既手勢...好老蕭咁行左去...
 
老闆,你貴為一個上流人士,身家無億都應該有千萬丫...邊度學埋d咁既野返黎丫...
已有 0 人追稿