搵cc遇著女同事....返工又比你屌，放工又比你屌: 第二十二章‧笑話
話說我地落車既地方其實已離赤柱大街不遠。
跑左一陣，見架的士塵都食唔倒，於是我地就停左落黎。
哩個故事教訓我地，唔好好似CCTVB咁柒，比車追要逆線跑！
正當我轉頭想炳Alice一鑊既時候...
一拎轉頭，竟然見到Alice甜絲絲咁望住我笑...
嘩！做咩丫？！撞鬼丫？！同人鬧完交、見完撞車、再跑到成隻狗咁，咁既樣都仲笑得出，唔係撞鬼就一定係撞親個頭！
我：「笑咩呢？」
佢無答我，淨係用隻手指指左幾下佢另一隻手。似乎笑得比頭先仲更加燦爛。
我順住佢既視線望一望佢隻手...
依～伊～ 邊個仆街拖住左隻靚豬咁恭喜丫？哩件老襯真係要同佢講句恭賀新禧囉！
依～伊～真係要同佢握下手祝福下佢先得... 點解我隻右手好似比野捉住左抆唔倒出黎咁既...
我哩一刻冷汗直冒...哩次真係碌撚啦...
原來拖住佢果條戍利...就係我？？！！
正當我打算放開佢隻手既時候，佢一下放開左我隻手，攬左埋黎。
用一把甜到漏蜜糖既聲線問左一句連曹博士都唔識答既問題：「你頭先叫我咩話？」
我：「吓？我頭先叫左d咩丫？」我幾乎連括約肌既力量都用埋，都記唔起我講過d咩…
我：「我…講過d咩？叫你快d走囉…仲有咩…」
Alice: 「仲有呢？之後呢？」
我：「我…」死啦…我好似叫左佢做…「o靚豬」
佢用佢果掃一次迷死一大遍高登仔既眼神，嘟起可愛既小咀，輕輕啾著白白的眉頭，再用佢嬌小細滑既手指輕輕捻住我個鼻尖，做左一個小小既鬼臉。
Alice愈講愈細聲：「你…你頭先係咪叫人地做…做…做豬豬…？」
我嚇到差d彈左落隔離擋土牆度，如果佢唔係抱住我的話。我：「吓？！乜撚野話？！」
Alice: 「你頭先明明叫人地做豬豬…」
以下有三個選擇：
A: 吐血
B：吐大量血
C：吐超大量血
D：以上皆是還有其他
D啦！仲洗講既？！難怪d人話情人眼裡出西施，西施其實係白痴…
Alice:「叫多聲黎聽下先，Marcus ~ BB。」
又去到鬥智鬥力位…但我今次完全hang晒機…
中間有十幾廿分鐘我失去左記憶…
我懷疑我可能因為激動得滯出現短暫性爆血管現象。又或者好似無線d濕鳩戲咁…發生選擇性失憶。
失憶，從來是人類的自我保護機制。
TBB哩D爛劇情寫得太多，情傷會失憶；心疼會失憶；痛苦會失憶。
但原來甜蜜亦都可以失憶。
一件事要令到人啟動自我保護而失憶，可見係幾大既刺激。
哩一段失憶包含既係咩？
咀？攬？揸？摷？
都唔係。哩一段失憶包含左一段禁忌，一份連自己也不敢面對的情。
或者我寧願記得既係哩d「攬咀揸摷」甚至中出即飛哩d污衊無比、下流賤格既事，
咁樣我仲可以大大方方承認自己係一個賤男，以一個賤男既身份安安穩穩咁食飯溝女吹水。
但事實係，對方送比我既係一份純潔到我唔敢去接既愛情，仲要係我心底深深處所渴的一種愛情。
一份不理世俗，禁忌不已的愛。
雖然我唔敢記起攬住之後發生過咩事，但我好記得一哩一段。
Alice:「我知道你而家接受唔倒我，但我深信你對我係有感覺。不如由今日開始，你做住我partime boyfriend先啦。」
我：「即係點？」
Alice: 「ptgf, 記得嗎？PTGF係我想幾時做，就幾時做，所以叫做Part-time。
Part-time boy friend就即係你想幾時係我男朋友，就做我男朋友。
而我唔會拒絕，亦無得拒絕。當你邊一刻諗起想愛我、想錫我，你就叫我snowy，我就係snowy; 邊一刻你唔想愛我、唔敢愛我，你就叫我Alice。好唔好？」
我：「痴線！你係人黎ga，唔係狗仔。咁樣太…」
Alice用一隻手指輕輕封住我個咀示意我唔好講野：「唔需要，當我第一日行得哩一步，我已經預左有報應。
條路好難行，亦多數唔會有結果，但我好想知道哩條路既盡頭係咩。
我對你唯一既要求，就係你今晚係Marcus，無其他。OK?」
我並無回答，去到哩個地步你話無少少感動既，根本唔係一個人。
只要係有就會有感情。有感情既，都會有感動既一刻。
我慢慢拖起佢隻手，默默咁樣拖住佢向前行。
之前我地一黎就係激烈既愛。從來都未試過咁樣溫柔咁拖住佢隻手。
之前，我一直都只係當哩一次係一個交易、一次洩慾。雖然我既慾望之中需要存在愛，所以用偽愛情黎包裝成件事。但交易完結，愛情亦都會完結。
有時身邊經常發生既事，o係唔同情況，唔同氣氛底下，可以有完全唔同既感受。
感受下佢既手，白雪雪、軟霖霖。上一次小馬已經親身體驗過故中的奧妙。
但這一次，純粹既愛又係另一番感受。
我第一個感覺係，隻手好細隻。一條咁細隻既手，點可以承擔一份咁重既悲哀呢？
我忍唔住將佢隻手交到我另一隻手上，握著她的手背，然後再用手指輕輕的去感受她手心的軟。
輕輕一劃，Alice, 噢，唔係，應該叫佢Snowy。因為由我執起佢隻手既一剎那，她就是我的Snowy，我今天晚上的情人。
Snowy：「嘻嘻~好痕丫。做咩喎？」
我：「你隻手…好細隻丫。仲好滑添。可唔可以摸下？」
Snowy：「傻~瓜~ 你宜家咪摸緊囉~ 唔係咩？你好似未拖過女仔隻手咁既？你無可能未拍過拖嫁？」
我：「我…我只係想你摸下我塊臉。」之後，我輕輕地捉住佢隻手，慢慢放到我自己的臉上。那種輕輕的撫摸，令我可以感受一下這個女仔。
她的身上有一股淡淡的香味。
這一種香味的確叫人著迷。
好多人唔知道，其實人對氣味既記憶不下於味覺，只係我地既舌頭因為唔係分分秒秒都接觸住味道，所以先會記憶好似好強烈咁。
因為一場歡愉既性愛，小馬已經記住左哩一份激情既味道。所以佢已經略略有少許的興奮。
但我唔係一個下身思考既人，所以我仲清醒，而唔係好似高登仔咁，即時扯起唔知十八寸定廿八寸，果條帶出街都覺得阻地方既吸塵機管即刻將佢就地正法。
我：「你咪話要帶我去一個地方既？」
Snowy個樣頓時沉左一沉，但係隨即又強顏歡笑起來：「我忽然又唔想去啦。」
我見到佢咁既樣，於是我拉一拉佢隻手，同佢講：「咁你陪我去一個地方丫～好無？」
佢問都無問，就好開心咁笑住答：「好丫！」
於是我就拖住佢行，行到就快到赤柱正街既時候，我終於忍唔住問佢：「你唔想知我地去邊咩？」
佢竟然答我：「重要咩？」
我：「你唔驚我...」
Snowy笑得燦爛無比咁答：「驚咩呢？你仲有咩係想對我做而又未做既咩？」
...去到哩個位，我又真係啞左火。
或者幾口齒玲琍既男人到左幾多歲，見到真正鍾意既女仔都會食鏍絲。
比著我就一秒咁多啦。
我露出我自認為生平最咸濕同淫賤既笑容，同佢講左一句：「你以為係咩？小妹妹。」
點知佢最後一句完美地收我皮：「唔緊要，因為snowy 愛Marcus, Alice 信任 Marslei。無論邊一個，我都會無條件咁跟你走。咁仲唔夠咩？」
仲可以講咩？
我：「我想去睇下海。好嗎？」
Snowy:「海？」
我：「我好鍾意海。日頭既海可以令我開心；夜晚既海可以令我平靜。」
Snowy:「好...」
於是我地就慢慢行去海邊。
唔知點解，我覺得黎到赤柱既Alice / Snowy 好似同平時唔同，少左一份活，多左一點哀愁。
哩一刻我地兩個就背對背靜靜坐喺碼頭邊堤壩。
輕輕既海風密密地向我倆吹來。
十隻手指緊緊扣住。
享受著哩一夜既寧靜同禁忌。
Snowy 個頭輕輕咁靠喺我後腦。
柔和既海風，將佢既秀髮不停吹向我既臉上。佢既髮絲好似輕紗咁喺我臉上不停撫慰。
我真係好鍾意佢把頭髮。
唔知坐左幾耐，到我將近瞓著既時候。snowy 終於開口。
Snowy: 「想唔想聽一個好好笑既故事？」
可惜佢既眼神出賣左佢，我知道，哩個故事一定唔會好笑…而且…我未必會想聽…