我腦海頓時一片空白 呆了
空氣靜止了

本來我打算把梓晴送回家
交給她的家人照顧
便回家去

但現在
以她這個狀態
叫她獨自一人照顧自己


根本無可能
現在的她 除了睡 什麼都不太能做
看來 我可能要照顧她後 才能走

「唔該晒你呀...啊希...你...走得㗎啦...我自己...搞掂得㗎啦。」她躺在沙發説道
「得啦,我搞掂埋你就走啦。」
「下...搞掂我?你想做咩呀...」
「唔係唔係唔係!我嘅意思係,以你宜家呢個狀態,你應該連自己都搞唔掂㗎啦,我照顧埋你就走啦。」我澄清
「唔使啦, 我唔想再麻煩你...你已經送埋我返嚟呢度啦...」
「你睇吓你自己先啦,你連講嘢都冇力,我真係唔知你可以點樣照顧自己。」


空氣再次凝固了 梓晴應該在思考
「好啦...」她回道

我深呼吸一下 做好準備照顧梓晴嘅心理準備
「咁...一係你而家沖涼先,我煮啲嘢食俾你,你食完食藥就瞓覺?」
「唔沖涼啦...聽朝先啦...我好攰呀...」
「咁呀...你返房換件衫唞吓,我煮完嘢食拎入嚟俾你。」
「嗯...」她拖着疲倦的身軀進了房間 關了房門

我呼了一口氣


走進陌生的開放式廚房
左翻右翻
找到了一些材料
先把米浸一回
打開爐火
煮滾熱水
切好食材
落米 大火煮開轉細火
加入香菇,粟米和一隻蛋
最後加少量的油再攪拌
完成

「我煮好啦,我入嚟啦。」我一邊敲着房門一邊說道
「喂!」我再叫道
還是沒有回應


「咁我入嚟㗎啦。」我慢慢打開房門
只看見梓晴已經睡到不省人事

我把粥放在枱頭
「喂,醒啦喂,食嘢啦!」我慢慢拍醒她
梓晴轉身 坐起身子
「自己嚟啦,唔使我餵呀嘛。」我把那碗粥遞向她
「唔使...」她笑一笑
「咁你慢慢食啦。」我回道
我拿起地上的衣物 走出房門
把衣物放在廁所的衣籃裏
看到衣籃上滿滿的衣服
想着那個剛剛用來煮粥的煲

既然如此 看來我應該要幫梓晴打理好家才走



ig link:
https://l.instagram.com/?u=https%3A%2F%2Finstagram.com%2Fthecoloursinthedark%3Figshid%3D1m9csf1vnk5ma&e=ATPe1KPd1BIXktvtzVufGSU-8Ossoy6M2JQ5_i4zd0uCYY59lg3JXQiO22JIeIB3JHEJSWQFreHp-a4osDlOHjU&s=1
已有 0 人追稿