我在召妓中重遇初戀: 雲貴風

落到樓下, 嗰個死人馬伕一路食煙一路flirt 女, 見到我落嚟就問 「爽唔爽呀, 係咪冇推介錯呢!」

佢見到Hailey 跟住我後面就問 「邊個比你落嚟呀!! 」

 我見佢態度咁差就答 「我包咗佢一晚, 依度二千, 師兄拎去飲茶!」 

「Okay Okay… 咁哥仔你今晚玩得開心啲喇!!!」 拎住我啲錢後, 條仆街即刻好聲好氣。

 搞掂條見錢開眼既仆街後, 我同Hailey 一前一後漫無目的咁周圍行。 





「Er… 我想問呢你想食咩?」 我竟然口吃地問我唔係咁快沉船掛! 我竟然覺得緊張... 好耐都未試過依一種感覺。 

「Er… 我冇所謂呀!」Hailey 喺我後面細細聲講 於是我就帶佢嚟咗我覺得幾好食既---雲貴風。 

「你想食咩?」我貼心地問。

 佢拎住個餐牌一陣都未決定到, 我就同佢講「不如我幫你叫?」

 佢即刻點了點頭 





「兩豌麻雞、腩肉、魚皮餃米線! 」 上了年齡既婆婆搬到我地枱上。

 「餓喇, 快啲食, 食完我先慢慢講!」我估唔到自己竟然咁溫柔咁同佢講。

 我把最後一條米線食落肚, 飲埋嗰碗湯底, 我比佢既評價係1000/100 , 依一間野真係冇得輸。 

「好唔好食?」我一路抺嘴一路問, 明明一個幾鐘頭前我地先完成咗一次金錢交易, 依家我竟然關心埋佢既伙食, 方清呀方清, 你一定痴咗線喇。 

Hailey 佢又一次點了點頭, 就逃避我既目光。 我應該個樣人畜無害, 點解佢咁怕羞既, 我眼前既女仔愈望愈可愛, 我已經忘記咗佢做邊行, 我只係知道我對佢有好感。 





「Er … 你係咪想講野喇, 我準備好聽喇...」佢對我說