我在召妓中重遇初戀: 你喜歡孔子嗎?

連登教我打蛇就隨棍上, 於是趁還有些時間, 我就把握機會問她 「你喜歡孔子嗎?」

為咗知道孔子係邊個, 我琴晚仲特登去睇下孔子學說, 論語呀出名既作品。 

最怕空氣突然安靜~~~  我看著她的表情由驚愕到訝異到開心到興奮到雀躍地反問我 「你都鐘意孔子?」  

「Er… 係呀, 佢係我兒時偶像嚟架!」 溝女最緊要有自信同笑容。 

「出去開門、抺抬啦, 咁多野講!!!!」 一把打攪我地既聲音由廚房深處發出 



「咁我出去抺抬先喇!」 Hailey 對住我偷笑說, 並行了出去 Um… 我應該成功咗吸引佢注意??  

如是者接下來幾日, 我地一連幾日都係繼續討論孔子,

每晚我睡夢中都見到一個慈祥既老人家, 我每次見親佢佢都會嘴角微微向上傾, 露出一對潔白既兔仔牙。 

為免再煩擾佢老人家, 我決定今日開始唔再傾佢老人家既話題。 

「Hailey 早晨!」我每日最期待既環節就係見到佢 



「早晨 Roy! 」 佢笑住答我 又有一樣野我唔明,

點解佢成日都笑既, 唔通佢係笑緊我, 雖然佢笑係笑得好甜, 但係唔好笑我先得架! 

今日我學識咗意粉位, 終於唔洗日日都傳菜呀, 收枱呀。

  學有所成既我, 憑著我一對玲瓏巧手, 自創咗一碟燒汁海鮮煙肉意粉。

 賣相十分不錯, 我都準備去同Hailey 同埋火車, 金人一齊食午餐。 



「Hailey 你試下先, 我啱啱無師自通既燒汁海鮮煙肉意粉!」 我貼心地將意粉捲了一圈, 並遞向坐我對面既Hailey。 

佢好似好抗拒, 抿著嘴搖搖頭, 但無奈我意志堅定, 佢最後一啖食咗。

 我期待著佢既評價。 

「呀... 好食喎, 點整架??」Hailey 滿心歡喜地問 

「好食就一定架啦, 點整就係呢...你哄個頭埋嚟先...」 佢又好聽話咁哄過嚟 

「唔話你知!」

  「衰人!!!!!!!你話我知啦!!!!」佢那對充滿期盼既目光十分之耀眼, 我不忍心唔同佢講 

「你鐘意既話不如我日日整比你食, 好唔好?」男生永遠係依啲位到覺得心如鹿撞, 好似比咗個承諾對方。



 「好呀! 你真係整比我食先好講呀!」 佢竟然諗都唔諗就應承咗

 「當然啦, 依個係我既榮幸!」 我滿心歡喜咁講 

食完意粉後, 我發現咗一個問題!!!! 

 原來我仲係用緊同一隻叉呀, 我的天, 即係話我同佢間接接吻!!! 

「呀Roy 呀, 你冇野嘛, 點解你眼金金咁住我?」佢好疑惑咁問

 面對突如其來既問題, 扮無知不失為一個好辦法, 我即刻講 「吓! 咩事呀? 我冇呀, 邊有姐!」

我又露出一個尷尬而不失禮的微笑嚟發解今次既危機。



 「係呀, 咁冇野喇!」 佢用一個狐疑既眼神打量我一下就繼續看她的Running Man。 

我都唔騷擾佢喇。