我在召妓中重遇初戀: 無聊IQ題

喺廁所break 既時候, 我偷偷地去咗夾糖鋪夾咗一袋糖番去, 我拎咗張冇用既收據, 用收據寫咗啲紙, 然後貼番喺袋糖到, 唔知佢會唔會發現呢? 

我同佢做咗一日野, 攰到腰都企唔直。 

「喇! 送比你既, 雖然蛋糕就差住先, 包糖當住利息先啦! 」 我一臉怕羞地說 

「嘩! 係糖呀，多謝呀, 做完野有糖食真係好呀! 」 佢一臉疲倦的樣子 你既笑容比糖更甜。

 之後我地日日都好歡樂咁番工, 放工放假都有保持聯絡。 





得閒就講下無聊IQ題, 冷知識。 

有一日我問佢「知唔知咩人用電動車既比例最高?」 

「唔知!」 

「老人家用電動車既比例係最高呀!」 

「點解既? 哈哈哈哈.... 我知道喇, 係咪老人家嗰啲電動車係電動輪椅呀!」 





「咦! 屁孩你醒咗喎! 」 

「屁你個頭!!!!!!」 

有佢既日子每日都好快樂。 

時間好快就到九月, 九月係一個新學年, 亦代表番工既日子會少咗好多。

亦即代表見佢既機會會少咗好多。





 我地變咗逢星期六先見一次, 但係我同佢既關係冇疏遠, 但都冇拉近過, 可能一直以嚟佢都只當我係工作小拍擋, 戰友而已。