我在召妓中重遇初戀: 飯聚

一如我所料, 依間數字零食店即刻請咗我喇。 

我做咗幾日後,原來上貨、執貨都唔係好難, 又唔洗拎著啲重野, 依到做野輕鬆好多, 錢又多。

 我做咗一個禮拜後, 今日忽然間多咗個不速之客。 

「喂! Surprise! Mother Fucker! 好勤力喎! 」 Hailey 冇啦啦係我執梗貨其間彈咗出嚟 

「點解你喺度架? 你又知我喺到做既? 」 我見到佢又驚又喜, 個心仲離一離 





「係呀, 咁啱係附近, 睇下某人會唔會同我食個飯呢?」 佢等登用一個古怪既腔調嚟講 

「唔知呢? 應該就到食飯時間, 我係咪應該book 個位呢?」 我反問 

「緊係啦!我去行一陣之後番嚟搵你!」佢對我甜笑一下就走了

 我立即跑去對面間人氣日本餐廳留兩位姓方既。 

過咗一陣, 到食飯時間, 我打電話比佢。 





「喂!屁孩, 你喺邊呀, 我可以食晏喇喎!」我用一個溫柔既聲線講 

「屁你個死人頭呀! 我咪喺你後面囉! 」 我聽到後一轉身就見到佢, 我地一齊見到對方後傻笑。 

「食咩呀, 肚餓呀! 」佢抿著嘴向我撒嬌 

「知你肚餓喇屁孩, 我啱啱已經book 咗人氣日本餐廳喇!」我得寸進尺咁講 

之後我唔比佢講野既機會, 就帶咗佢入去。 





「你想食咩? 」我見佢拎住個餐牌咁耐就問佢 

「唔知呀, 我想食魷魚筒飯呀!」 

 「小姐, 我唔係喺度做架喎, 佢冇魷魚筒飯呀! 」當我聽到佢想食魷魚筒飯, 我心情即刻好好, 估唔到佢仲記得魷魚筒飯 

「車!! 咁我要魷魚炒飯啦!」佢見然揀咗啲奇怪既炒飯 唔洗一陣, 佢個魷魚炒飯同我個咖哩湯拉麵就嚟到。

 「哇咁既味既!!!!」我見到佢食完一啖既樣仲慘過連仆十次街, 我唔小心笑咗聲出嚟 

「笑咩笑呀, 屁孩, 咁都笑, 哼!!!!」佢又準備食多啖既時候 我一手捉住佢隻手, 唔比佢再食多一啖, 佢愕了一愕。 

「咁難食! 唔好食啦！好我嗰碟啦!」 我用一個迷死女既眼神電佢, 唔比佢有任何機會出聲, 就食咗魷魚炒飯一啖 

佢望住我, 我又望住佢, 四目相投, 我做好面部表情管理, 盡量避免露出想噁既表情, 以免佢覺得自己對我有所虧欠 





佢之後就好開心咁食緊咖哩湯拉麵, 而我就扮到好開心咁食垃圾。