我在召妓中重遇初戀: 生日驚喜

經過一番周騰, 我地終於面對面繼續番啱啱既話題。

 啱啱講到我嚟緊下星期一生日 同Hailey 食完飯後, 佢有其他野做, 而我個晏晝已經過咗好耐喇, 我地就此分別。 

「再見!」 我同佢揮揮手, 唔知點解我又諗番起上次同佢講再見既情境 

「再見!」 佢講完就輕輕地離開。 

之後幾日, 我都好勤力咁扮工, hea 得一日就一日, 我明白到打工係唔洗勤力既, 打工唔同健身, 勤力係唔會有回報。 





終於到咗星期一喇, 琴日番工好攰所以好早就訓咗, 今朝一打開部電話就見到Hailey 發咗條信息過嚟。 

「生日快樂呀 Roy! 祝你日日都開開心心, 快高長大, 唔好再做屁孩喇, 你望下姐姐幾好, 準時十二點鐘同你講生日快樂, 唔講喇, 早抖, 祝你有美滿既一日!!!」 12:00  

我收到依一則信息覺得有一種好似兒子生性病母感安慰既感覺。 

「多謝, 我今日一定會開心既姐, 係咪呀Hailey 姐姐? >o<」 9:38  

生日係唔會有等權, 唔會雙糧, 唔會有得早走。 





去到十二點幾, Hailey 都冇覆過我, 我自己一個又唔知食咩好, 準備喺上完貨, 是但買盒燒味飯就算。

 叮!!! 「你食飯未呀? 」Hailey Whatsapp 問我 

「差唔多喇, 執埋少少就去食喇! 」我覆佢 

「咁你去食野同我講啦!!」 佢竟然講啲咁既野 

「好啦!」 我對於佢個句充滿困惑 我加快手腳, 好快就將啲公仔麵呀, 杯麵呀曡我整整齊齊。 





「我執完喇, 依家去食飯喇! 」 我如實咁同佢講 

「好啦! 咁你食得開心啲啦！！」我更加唔明白佢想做咩 我一路沉思緊佢既意義既時侯,

「哇! 生日快樂呀! 行路做咩dup 低頭呀!」 

「哇! 點解你係到架! 多謝喎, 我諗緊野嘛!」佢幾時出現架, 成日都無啦啦彈出嚟既, 又嚇到汪呀姐又出現 

「人地特登比個驚喜你嘛, 諗咩咁入神呀!」 佢雙眼矇起嚟望我 

「咪諗緊你囉!」 大獲, 我唔小心將真心話講咗出嚟添 

「口花花啦你, 信你至其呀, 屁孩!」佢好似冇當一事 

「咁你今日想食咩呀？ 魷魚炒飯？」我又拎上次件事嚟笑佢 





「你想食魷魚炒飯咩，我仲等登買咗個蛋糕比你喎! 」佢係到挪揄我喺依個時候, 我先見到佢手上拎住咗個蛋糕盒,

「吓!你買咗個蛋糕比我呀!」我十分驚訝 

「係呀! 你想唔想食呀! 唔食我拎走佢！」佢講 

「食!幾大都食！」我同佢講 

「拎上去上面公園仔食啦好冇?」我提議, 順便幫佢拎住個蛋糕 

「好呀! 咁行快啲, 唔係你又過鐘喇!」佢講 

之後我地就行得快過火箭, 好快就到公園仔喇。