我在召妓中重遇初戀: 表白

過咗兩日, 我成功約咗佢食晚飯, 我今次冇再喺人氣日本餐廳到留座, 今次帶佢去食依個日式拉麵。

 佢好準時咁係西鐵站出現, 其實今日我想同佢表白, 以我睇過咁多故仔既經驗, 佢送生日蛋糕比我, 一定有好感啦, 今次一定成功。

 我同佢由車頭行到車尾, 其間我每到一節車廂都要求自己去講, 但係一行到過去就好淆底, 我一直以來既自信煙消雲散,

如是者, 我由車頭行到車尾都冇出過聲, 佢應該覺得我好古怪。 

「你做咩唔出聲呀今日? 平時你都唔係咁架?」Hailey 一臉困惑 



「Er… Er… 冇野呀, 今日天氣好好呀可!!」 佢忽然打繼我思考 

「古古怪怪咁!」 佢講 

我地出咗閘, 行到去車站商場, 我見到有廁所就同佢講 「我想去一去廁所先, 你喺依到等我」

佢點頭

 我喺廁所到諗定一陣要講咩, 洗下塊面, 準備好喇, 就行番出去。 



「唔好意思, 要你等!」 

「唔緊要!」佢微笑 

行多十步後, 我就同佢講「 做我女朋友啦, 同你一齊既時間係最放鬆, 可以同你一齊吹下水, 一齊講下笑, 我覺得真係好開心」

我講到自己都唔知自己講緊咩, 點知得番嚟既結果係~~ 

「吓! 咁突然既, Er … Er… 」佢仲係到諗緊 



「得!我明既, 你唔洗講喇, 咁啦我地去食野啦!」 我失望咁講 

「比我考慮下先! 」我好似聽到佢細細聲咁講。

成晚食飯既氣氛都好尷尬, 我真估唔到我會比佢拒絕。

 計劃永遠天衣無縫, 只因計劃係自己諗。 

估唔到我最後都係得番個咁既結局。