我在召妓中重遇初戀: 流淚

之後我都拍多咗兩次拖, 但係兩次都好快分手。 

唔知係咪我心入面一早留咗個位比Hailey, 我喺其他人身上完全投入唔到。

 Hailey 佢已經喺我心目中入面不可取代既唯一一位。 

故事就講完喇, 我已經好簡短咁用萬幾字嚟講, 我一直以嚟除咗同薯皮C 講之外都冇同個其他人講。

 原來有啲事收收埋埋真係好辛苦, 講出嚟真係舒服好多。 





我望下對面既Hailey, 佢唔知幾時已經淚流滿面, 嚇親我喇, 估唔到佢都係一位易喊既女仔。 

「做咩呀, 洗唔洗喊到咁犀利呀!!」我溫柔咁比張紙巾佢 

「唔該!」 佢答 

「Er … 你聽日得唔得閒嚟我個度呀?」 佢突然咁問 估唔到佢咁猴禽, 今日都未過, 咁快就諗聽日, 嘻嘻

「得閒呀, 聽日見啦!」 個包租婆拍門, 催我地仲有十五分鐘要交番房喇。





 交番房後, 我同佢分別, 我番番去自己屋企, 打開相簿, 睇下成十年前既嗰幾張相。

 相入面我同佢都笑得好燦爛, 唔知點解, 過咗咁耐, 我啲眼淚依舊會滴下來, Hailey 呀,我真係好掛住你呀!