《我追咗一個女仔好耐，最後...》: 第十三章

那一晚之後，我留學生活中多了思思，形影不離。有時她寂寞感倍增，我就到她房間聊天，聽歌買醉。漸漸我也習慣抱住一個枕頭睡覺的日子，平淡而快樂。做同一份功課、做同一份兼職，每天共享三餐。

有思思在，我對阿月的執著也退減，失去女主角的地位。跟思思熟絡後，我發現她有媽媽級別的長氣。

「喂呀瞓份assignment 過幾日就要交啦你到而家都仲未做掛住打機，你睇吓？一套衫又着左幾日，都唔知你有無洗衫嘅。」

平日她就愛在我打機時瘋狂對我指指點點，永無止境。

「得啦得啦，快啲幫我沖杯咖啡嚟先啦。」我定睛在電腦屏幕上，敷衍回應。



「好煩呀你！」她瘋狂在我頭上亂摷，然後扁着嘴去沖咖啡。

我就愛她會抱怨又不拒絕我的態度，很好笑。喜歡她為我好，已經足夠，作為好朋友，思思簡直滿分。有時我心想稱呼思思好朋友，不足夠。知己嗎？又有點奇怪，總之對於思思，有種感覺我無法為自己辯解。

三月份，我滿心歡喜期待思思會準備什麼生日禮物，頭一次那麼期待。數了數，我已經21歲，再下一年要畢業找工作。

唉，好頭痛。
臨近考試，我和思思都比較忙，少了見面。她說我應該好好溫習，就不允許我再進她房間了，剩下我一個過着吃、學、睡的日子。其實思思也沒錯，最大學成績着絕不能有任何差錯，可是我有點掛念思思，更加無法專注。

佢今日溫成點呢？


三點啦喎，佢食咗飯未㗎...
上次佢啲洗頭水好似無晒啦喎，都唔知會唔會唔記得咗買...

袁生今日有無好好溫書㗎，平時成日掛住打機...
唔知佢有無摺衫呢？成日擺到周圍都係。
佢就快生日啦喎，買咩蛋糕好呢？

我在意思思的程度，越來越高，日思夜想。在我生日那天，思思簡單買了個朱古力蛋糕，還送我一套衣服。

「呢排我哋溫書都辛苦啦，今晚就好好放鬆吓啦。」思思關上燈，在我房間周圍點上蠟燭，然後哼着生日歌拿出蛋糕。



雖然只是一個普通朱古力海綿雪糕，但頂上擠出幾個心形忌廉，思思拿出蛋糕後自己也覺得驚訝。

「啊，可能個sales 介紹俾我嗰陣以為我要送俾男朋友所以加咗啲創意落去添，哈哈。」她感覺尷尬，臉色發紅。

「妳都幾有愛心喎。」我幸福地向她展示笑容。

「快啲食啦，個蛋糕好貴㗎。」

「多謝。」我雙手合十，許了個願望。

希望妳不會離開我