《我追咗一個女仔好耐，最後...》: 第十五章

「袁生，不如我哋試吓。」
這句話在腦中盤旋，未曾停止，再聰明謹慎的人都將再此刻淪陷，愛情陷阱。

當下我覺得心痛

「點解？你認真㗎？想搵我做水泡，睇吓妳個ex會唔會後悔？」我皺一皺眉頭，內心波瀾起伏。

潛在於心底的欲望被言語拉近一秒鐘，又被理智將我抽回。

「我...係，對唔住我衝動咗。」她說。



妳一句對不起，有什麼用？心痛的人是我。
我喜歡妳而妳當我是玩具。

「咁妳當我係咩？兵？朋友？我鍾意妳妳又知唔知？」思思說不出一句話的表現，在我眼中只是忸怩作態。

「我走先，妳慢慢。」我轉身邁步離開。

沒想到我會以這種方式表白
真失敗



我有一段時間沒有理會思思，但沒了思思，日常生活好像一切都不正常。習慣喝咖啡與酒，在深夜共行彌敦道。現在因為意氣用事影響感情，甚至可能會跟阿月一樣留下遺憾。

我想挽回，不論誰對誰錯，有多卑微都好。像隻狗那樣為不可多得的糧食，搖尾乞求，只因我不能沒有妳。

其實我認為思思也想與我重修舊好
在做兼職時，我抽空找她。
「喂，妳...放工得唔得閑？」我掙扎了數天後終於願意放下面子，放下心頭上的執念。

只要妳留在我身邊


思思臉上露出笑容，似是放下心頭大石。
「好呀。」

下班後，我們再次並肩，走凌晨兩點的彌敦道。

「肚唔肚餓呀。」我問思思。

「嗯...肚餓呀不過兩點啦喎。」

「妳係驚無嘢食定怕肥啊？」我輕輕掃掃她永遠都不打結的秀髮，很舒服。

「我又點會怕肥喎，你識我咁耐都唔知咩？」

其實我真的不知道，一路以來思思對我都百般遷就，以致我不像以前那麼懂得照顧人。這段關係裡我以高高在上的姿態對待思思，覺得理所當然。




如今我只看到自己的難處，視線未曾放在思思身上。
她喜歡咖啡嗎？喜歡陪我散步？適應和我過那種像退休的生活，毫無新鮮感嗎？

因為妳太好，所以我好愧疚...

「對唔住。」

「吓？你做咩無端端講對唔住啊。」

「成日都係妳就曬我，無真正問過妳鍾意啲咩。」

「咁你知唔知點解咁耐我都無所謂？」此時我們都停下腳步。

「因為妳好人？」我只想到這個原因。



「唔係，因為我都鍾意你。」

意想不到，有收穫。