《我追咗一個女仔好耐，最後...》: 第二十五章

「喂，今晚陪我食飯吖。」上地理課時，他收買一向陪我坐的Jacky，換取坐我旁邊的機會，順帶一提Jacky是女生。

「乜你咁煩㗎，唔陪啊。」我推開距離我只近大約5厘米的Eddie 不知道為何他靠近我時總會臉紅耳熱。

「哎呀做諗住請妳食雪糕賠罪，唯有自己一個去啦。」原來他知道我最愛食雪糕，尤其是小鎮上的一間雪糕專門店特別好食！款式也多，真是光想起就忍不住留口水。

「去...去...我去！放學即刻去！」我熱烈回應。

「咁係咪唔嬲我啦～」



「請完先算！」

又是一個好開始...

「想死咩味呀為食妹。」Eddie獨自望着我挑選雪糕口味，當時我並沒注意到他眼中傳出他帶有寵溺愛意。

「就要比利時朱古力，香橙味同埋綠茶味啦！」我仗著有Eddie請客，貪婪地叫三種口味。

「係係，馬上為Christy小姐叫！」



我們到附近的公園坐下來，Eddie只是靜靜看著我享用三球雪糕，自己卻兩手空空。

「你做咩唔叫俾自己呀？」我問道。

「唔洗啦，我麻麻哋食甜嘢。」

我記得平日他一午飯時間都習慣飯後吃一粒軟糖，那款牌子的軟糖更是甜到入心入肺，連我這個甜品愛好者都接受不了。一定是爲了省錢請我吧...

「喂...幫我食啲啦，好似叫得太多。」我傻傻地笑，摸摸後腦勾。



「吓...乜妳咁㗎。但係而家得一隻匙羹咋喎。」

「哼，你唔係諗住食我口水尾呀。梗係返去間舖頭攞多隻匙羹啦。」我以懷疑的眼神看向Eddie

「知道！」
品嚐到美味的雪糕後，Eddie好像笑得更好看了。原來我令他感到幸福時，也感受到未曾有過的幸福感。

「見係你咋，等本小姐親自餵你食一啖啦。」我調皮地舀一大口塞進Eddie口裏，冰凍的感覺直入神經。

「啊！凍死我啦！」他大叫。

我取笑他一番後，收起笑臉說：
「Eddie啊，我原諒你啦。仲有...多謝你。」

他悄悄注意我的一舉一動


我亦不約而同留意他生活習慣