《我追咗一個女仔好耐，最後...》: 第二十七章

「妳淨係識得講我，咁妳同Eddie呢？」Jacky反問。

。。。
我沉思了一會，也確實想不到現今情況如何更進一步。喜歡倒是喜歡，卻未有強烈慾望去更進一步。我每天都過得這麼快樂，真的有必要在一起嗎？

維持著友達以上的狀況正正適合我。
既不用背起責任，更不需承受痛苦。

不過我似乎忽略了Eddie的感受...萬一他真的表白該怎麼辦？
「無咩特別啊，咪好朋友一對囉。」我眼神閃縮，帶有一絲心虛地回應，覺得自己有負於Eddie



「明眼人都知佢媾緊妳，妳又好受媾咁啦，想拖到幾時啫。」她搖頭嘆息，如同我擔心她的戀情不能長久時。

「咁我真係唔係好想拍拖住呀嘛。」仔細一想，其實我沒錯啊...既然害怕失去，倒不如從未開始過？

「唔煩妳啦，講多又長氣。」我們停止話題，正好阿Dan和Eddie替我們買完午餐回來。

「喂！兩位Lady，我哋呢個區個水上樂園裝修完，開返啦。不如星期六一齊去啦！好好玩㗎！」Eddie像個小孩那樣描述。

「好喎！咁我要攞返件泳衣出嚟先得啦！唔知仲啱唔啱著呢？」三個人看來已經隨時準備好，唯獨我一個心事重重，有種和他們說不出的難處。



然而我的面部表情逃不過一直關心我的Jacky，放學後自然避不開提問。
「做乜話去水上樂園就奇奇怪怪咁啊，妳唔鍾意咩？」

「唔係啊，只係我未同男仔去過沙灘或者遊水。如果著得太保守我怕俾他哋笑，但係著比堅尼嗰啲我又好怕羞。」我老實說出心中顧慮，不過對於他們這些久居西方國家的人來說恐怕只有無盡的不解。

「吓...乜妳仲係咁保守㗎，而家啲港女都唔係咁啦。」即使如此，我還是挎不過心中的坑。

「哎呀唔緊要啦，一次咁多啦。女仔嘅身材要展露出嚟先得㗎！Eddie都一定會讚妳！」她極力遊說。



Eddie會被我吸引到？會讚美？好像很有趣...
「就咁話啦，我而家帶妳去買件泳衣！」

半推半就之下Jacky將我帶到大型服裝店，琳琳種種的泳衣待Jacky為我挑選。

Eddie 看到之後會有什麼反應呢？