《我追咗一個女仔好耐，最後...》: 第三十四章
袁生終於向我釋放情感，我是第一次見他如此激動。我本意是讓他和我說說真心話，修補近來冷淡了的關係，沒想到袁生的狀態就如氣球一樣瞬間爆發出來。
這段時間以來他大部份時間都是面無表情，在家相處時也好像是為了向交功課而展現出來的表現，以致我根本看不到他真實的一面。
他哭著哭著，就慢慢沉睡過去。我像哄小孩子一樣溫柔地掃過他短髮，希望他在睡夢中也可獲得些許溫暖。看來徐去我減少陪伴他的時間以外，還有別的原因使他這麼崩潰，不過現時不應該深究。
翌日我請了病假，想好好陪陪袁生。
他比我先睡醒，我剛睜開眼睛就嗅到香噴噴的煎蛋味和煙肉味。從睡房出去客廳，只見袁生正在專注太陽蛋的熟度。我一直對燶邊蛋配煙肉情有獨鍾，但為了維持身材便忍痛戒口，原來袁生仍然記得。
「醒啦？妳份早餐都就嚟得啦。」餐枱上也沖好咖啡，放好餐具。
「早晨...」我被他的反常在心中打了個問號。
「坐低啦，快啲食完就返工。」他貼心為我拉開椅子。
他顯得極之平靜，我原本以為他會撕下偽裝頹廢幾天，他卻又一次出乎我意料。
我好怕...
「我今日請咗假啦，想陪吓你。」
「哦...我都請咗假，咁食完早餐一齊去迪士尼？」
「好啊，咁我快啲食完去換件衫先。」
總之，今日要好好陪著袁生。
大哭一場過後本應得到朋友或者親人開導舒緩內心的痛感，袁生卻選擇再一次冰封自己。
這樣的人會快樂嗎？的確自我認識袁生以來他笑的次數就寥寥無幾，他早已是這種生活模式。
可謂慢性自殺的生活模式...
去迪士尼的路途上他仍像平時一樣保持沉默，從不主動和我說話。要時平日我一定會滔滔不絕和他分享生活趣事，但是今天不安的情緒充斥著整個身體。
「我去買飛先，妳等我一陣。」去到迪士尼，他忽然又心情好起來，蹦蹦跳跳去買門票。
「思思妳知唔知啊，我上一次嚟呢到已經係十幾年前，唔知點解今朝瞓醒就想嚟，哈哈...哈哈」
剛進入，袁生便嚷著我要去玩關於巴斯光年的射擊遊戲，他的童年回憶。既然決定今天是陪伴他快樂的日子，我應該好好放鬆心情盡情享受。
我愛你，所以會留在妳身邊，直至有一天你告訴我我們的愛火燃燒殆盡。
「咁我哋一於鬥高分啦！」我一鼓作氣投入。
嗯...至少我們一起快樂過，無論接下來發生什麼事我已做好心理準備，無憾和袁生相戀的日子。
可能是最後一天...我會有這樣的預感也不奇怪，因為袁生今日笑得特別多。
我以前經常性叫他要笑多一點，他怎麼也做到，頂多是強顏歡笑。今天他終於像一個正常人，會找很多話題和我聊，此時我才知道原來我根本對袁生一無所知。
而且，他牽我手牽得很緊。
「妳想食啲乜嘢？」他問。
「唔...我唔鍾意呢到啲嘢食啊。」我嫌棄迪士尼的食物太貴，不想袁生太浪費金錢。
「都要食嘢㗎，咁我去買個三文治啦。」
「玩埋呢個我哋就走啦。」他說。
「小飛象？你會唔會覺得玩呢個太幼稚㗎。」
「唔會，我覺得小飛象同你一樣咁可愛。」
「先唔係啊，我邊小飛象咁肥，哼！」
我們坐上小飛象的坐位，袁生就和我自拍一張。
「同妳一齊咁耐都冇影過相，我真係差。」他突然感嘆。
「做咩咁講啊...我覺得你對我好好啊...」
「求下妳唔好咁講啦！」他大聲呵斥，又繼續說。
「思思，我有啲嘢想同妳講，希望妳可以冷靜咁聽我講完先。」他還未講接下來的話，我已開始想哭。
與此同時，小飛象停止移動，我們去到附近的長凳坐下來，一天的快樂過後是切心切肺的行刑台。
千萬別說出來啊...
「我好多謝妳，同我一齊咁耐都冇怨言，默默咁忍受我嘅冷淡。當初妳啱啱分手無幾耐就話同我一齊，我承認對妳好有戒心，我成日覺得妳只不過當我係水泡。」
「唔係㗎...我真係鍾意你㗎...」我已哭成一個淚人兒。
「後來我發現，我覺得妳唔鍾意我其實只係藉口，根本唔存在呢一樣嘢。我為咗令我精神出軌嘅罪名冇咁大，所以判斷妳當我水泡。
「記唔記得我哋未一齊嘅時候，我同妳講自己鍾意過一個女仔？係佢，我從來冇忘記過佢。」
「點解...點解要咁對我...」
「對唔住，我冇辦法全心全意去愛妳。嗰個女仔出現嘅我最需要一個人嘅時候，我真係好鍾意佢，就算好努力咁想忘記佢都唔得。好可惜佢因為移民粒聲唔出走咗去，我一路抑壓住自己心入面嘅痛咁生活。」
得知他真正愛的人不是我的一那刻，我的世界定格了。
眼中充滿色彩的迪士尼變成粵語長片的黑白色
耳朵聽到是像被水過濾過的聲音模糊不清
袁生毫不顧我的感受，自顧自己說。
「兩年之後，我見返嗰個女仔，但係佢已經有男朋友，好恩愛。我淨係可以偷偷哋望住佢地，一年前呢件事就發生咗。我覺得好痛苦，點解我需要嘅人唔會出現，嘗試理解我嘅感受。」
「其實唔係冇，只係對象唔一樣，所以我冇珍惜到。」
「姚亦思，係妳一直陪住我，就算幾忙都好都會盡力滿足我需要，無論咩事都諗咗我先。」
「對唔住...」
我聽不下去，站起來轉身低頭走。
算...也不必令自己難堪...
再見