《每朝起身，總會見到細妹著校服》: [Take 02－輪迴開始] PART 02
琳琳仲係好似好緊張咁...對腳夾到實一實...企到直一直咁低住頭...
唔通變態真係會散發出氣息？
好似琳琳呢種年紀...特別容易察覺到變態氣息？
係唔係已經察覺到我...喺佢後面視姦緊佢...頭先喺佢拉襪嘅時候...做出啲變態行為？！
死啦死啦...嚇親琳琳喇...點算點算？
琳琳實當正我想搞佢...當正我係變態怪叔叔！以後都避開我！𨋢都唔敢同我一齊搭吖！
死啦死啦...我想返翻轉頭...唔對琳琳做啲變態行為...唔視姦佢喇...
屌我唔係已經返過嚟喇咩？咪仲變本加厲！
我唔敢喇我唔敢喇...下次我真係唔敢喇！
再同琳琳獨處多一陣，終於落到地下。
跟住琳琳身後出𨋢，行多兩步之後...
「Bye Bye飛揚哥哥...」琳琳轉個身，面紅紅咁帶住微笑向我揮揮手。
『哦...Bye Bye...返學小心喇...』我都同琳琳揮揮手...
「嗯...」琳琳咬住唇咁點點頭，然後轉身跑出大閘。
望住琳琳嘅背影轉彎...消失喺我眼前...
『呼...』同上次一樣姐...都算叫做過到關啦...
唉...希望真係...真係冇俾琳琳察覺到...我係一個變態怪叔叔...
好！又係時候趕巴士喇！
我都立即跑出大閘！
又係呢個時間！又係呢個最接近送車尾嘅時間！
呢頭都未講完，嗰頭已經見到架60X上緊客！
仆你個臭街！
又係咁撚樣！
我一路9秒9，一路揮晒手！
當然個司機就一定扮睇我唔到！
屌你老味都明知㗎啦！我仲揮乜鳩手呀？！
我立即跑埋出馬路，等佢開唔到車！
我一路跑，一路向住架巴士狗衝埋去！
著住老西都跑得老閪咁快...如果俾我裸跑嘅話，仲唔曉飛天呀？！
終於上到最後一個乘客嘅時候，又俾我啱啱好趕到！
睇到個司機又係西口西面咁，好唔抵得我趕得上！
“嘟”一聲，八達通安全過到數後...
『嗄...揸死一世巴士啦！死人巴士佬...嗄...』屌你...又要我做世界冠軍...
「哈～搭死一世巴士啦！死窮鬼！」巴士佬又回返我同一句。
屌你老味！上樓上搵位坐！
上到上層，我又坐返平日坐開嘅窗邊位坐，坐定定抖返順條氣...
日日咁樣追巴士真係好撚攰...
唔係唔係...而家唔止係日日...係日日都係同一日...
望住車窗外...抖多幾啖大氣...好快又差唔多埋站。
巴士停喺下一個站，開始有乘客行上嚟。
望住有幾個靚靚OL...
已經係第二次...同一日...呢個鐘數坐巴士嘅都係嗰班人。
上嚟嘅次序...係俊男定係美女...都係一模一樣...
而佢哋坐嘅位置...
第一個靚靚OL行過咗...
第二個靚靚OL又行過咗...
第三個靚靚少女又行過埋...
第四個著得小布啲嘅都唔係坐我隔離...
然後前面嗰個窗邊位都係俾個190嘅年輕有型西裝友坐咗...
個短裙靚女又係情願俾個阿叔視姦都唔俾我FF吓...
前菜上晒...然後...又到主菜...
又到嗰一個斜陰...髮長到膊...著住白色校裙...腰間有條紅色膠腰帶...同琳琳間小學屬同一機構嘅中學學生妹上咗嚟...
點呢...究竟會係點呢？
今次個學生妹會唔會...揀坐喺我隔離呢？
望住個學生妹一路行過嚟...行到嚟前面...坐咗喺前面個190嘅年輕有型西裝友隔離...
又係咁...完完全全一模一樣...
而當我Miss晒所有靚女之後...
又係嗰個又熱又臭嘅大肥佬坐喺我隔離...
又係一樣...只要跟住之前咁樣...喺同一時間...同一地方...就會發生同一樣嘅劇情...
靚靚OL...短裙少女...最期待嘅學生妹Miss晒...又要俾個又熱又臭嘅大肥佬黐埋嚟...
就好似Copy And Paste咁！
點解我嘅生活係咁實而不華，且枯燥乏味？
喺㗎悶焗嘅巴士上面，我再一次成為一條鹹魚，黐埋喺塊玻璃窗...
其實...又係唔係咁實而不華，且枯燥乏味呢？
再冷眼望住前面...條MK學生妹盅吓盅吓...盅落190嘅年輕有型西裝友個膊頭...
再盅多幾吓...條MK學生妹直頭瞓落190嘅年輕有型西裝友個膊頭...成個人都挨晒埋去...
雖然話只要星期一至五都要返工...就會遇到Exac7ly嘅情況...
之但係而家...係輪迴地獄喎...
雖然遇到嘅人...發生嘅事...都一鳩柒樣...
之但係...我跌咗落每日都係星期一嘅輪迴地獄...
發生咩事呢？究竟發生咗咩事呢？
睇嚟就咁等一切變回正常係冇可能...人若不去改變...就冇嘢會變返正常...
要諗諗...要回想...
喺我返翻嚟星期一之前...我做過咩？
我...我今朝瞓醒之時...以為自己發夢...
發夢做緊？我係...打J？
冇錯冇錯！喺返到嚟今朝之前...我...我係打緊J...夜晚放工返到嚟...入房望完阿Wing一眼之後...扯扯地...就對住部電腦...“學生妹丁圖”Folder裡面啲J片打J...
唔通係...部電腦出咗事？！
如果話係部電腦出事...帶咗我返翻星期一嘅早上...又唔係冇可能㗎喎！
而且個可能性都好大！
唔少輪迴吖...穿越吖嘅故事都會用電腦做媒介！（再唔係就錶囉...真係老套到爛...）
好似話電腦嘅磁場會對空間造成扭曲...
空間扭曲就有機會令空間接疊...形成一條時光隧道...
就喺我坐喺部電腦面前，望住啲學生妹J圖J片打J之時，不知不覺咁就跌入時光隧道之中...返翻嚟星期一嘅朝早...
係喇！似喇！第一次嘅時候...我都係對住部電腦...又係開咗學生妹丁圖個Folder...對住學生妹啲J圖嚟打J！然後就返翻嚟星期一嘅朝早！見到阿Wing著校服！（係著好咗㗎喇...）
屌！唔撚係咁撚老撚套吖化？！
唔通部電腦真係...可以扭曲出時光隧道？
咁...應該點算好？
一直咁俾個又熱又臭嘅大肥佬黐到實一實...一直諗諗點算好...
諗極都諗唔通，由屯門出到旺角...
而家諗咁多都係冇用...都係過返日日如是...是如日日嘅一日先...
行到公司棟大廈...
殘殘舊舊咁...
「喂～陳生返工喇？」大廈嘅保安同我打個招呼。
『係呀...』返工...又返到嚟...
入到升降機，又係俾班麻甩佬夾住。
明知會俾班麻甩佬夾住...點解我仲要入𨋢...點解我唔等下一架呢？
上到去公司，望住塊玻璃門，裡面黑漆漆...
肥豬腦細有排都未返到嚟...
“咔”開好門...
“啪啪啪”開晒燈...
放好個公事包...又要開工...
五個平面廣告嘅初稿又要起過...
三個刊物封面嘅第二、第四、第八版又要Send多次俾啲客改...
四個刊物嘅排版又要排過...
七張炸彈又要求鳩其咁搞...
所有嘅工作又要再做一次...好撚悶...
你估真係Copy And Paste咩大佬？要落手落腳做㗎...
都係嗰句...生活本來就係實而不華，且枯燥乏味...
之但係我而家係跌咗入一個實而不華，且枯燥乏味嘅輪迴之中...
咁仲算唔算係實而不華，且枯燥乏味？
唉...好撚矛盾...
我就帶住矛盾嘅心情開工...
喺呢個豆潤咁細又冇嚟生氣嘅Office裡面獨自打仗...
對住部爛鬼電腦畫畫畫畫畫畫畫畫咗半個鐘...
『仆你個街又Hang機...』
畫唔夠幾筆就Hang一次...
畫唔夠幾筆又Hang一次...
屌次撚次都係咁撚柒樣！
工欲善其事，必先利其器！
人地做Design嘅就用Mac...機？
我望一望...打斜角...嗰張...放滿雜物嘅大檯...
係喎！
“叮噹”門鐘剛好響起。
望一望個鐘，剛好九點七。
又唔記得咗添...
我起身望出玻璃門外...
有一個好似係著住DHL制服嘅男人...
係送Mac機嚟...
我打開門：『師傅，唔該晒。』
「哦哦...簽收吖。」師傅已經拎定部機俾我簽。
『嗯...擺喺呢度得喇...』我隨手喺部機上面畫幾畫...
「唔該晒...個個都咁爽手就唔使煩啦～」兩個師傅邊走邊口噏噏～
點會唔爽手吖...都第三次啦...
我推箱Mac機埋去張滿佈雜物嘅大檯。
都係快快手手執好張檯～然後放埋部Mac機上去～等Emma返嚟～
係...我又唔記得咗將會有Emma呢個超級靚女做同事～
仲要我嚟照顧添～
真冇記性～
我就開始執好張大檯上嘅雜物...
就喺我想用1比99濕毛巾抹乾淨張檯之時...
“叮噹”又有人撳鐘。
我望一望道玻璃門...
『係老闆...』係呢個鐘數喇...
我立即開門...
『早晨吖林老闆。』同肥豬腦細打個招呼先。
「早你個頭咩？點吖？部嘢送咗嚟喇？」肥豬腦細望住盒紙皮箱。
『係吖...我執好咗張檯...而家消埋毒先。等佢乾埋就Set部機上去㗎喇。』屌打個招呼都唔撚得...
「Good～」肥豬腦細點點頭，「唔使我講都自動波～又唔使我提都記得今日我個世侄女會嚟返工～你知你個腦㗎啦～載屎㗎嘛～」
『多謝林老闆誇獎。』屌你啦你個豬腦就載屎...
「話你個腦載屎都話誇奬個腦真係載屎...仲有吖，買咗呢部Mac機今年冇花紅分㗎喇。」肥豬腦細一邊行入房一邊講...
『哦...』你直頭係食屎添㗎啦...把口臭撚到...
好喇...雖然話對話係有唔同...但整體上係冇分別...
結果我都係冇Mac機用...亦冇花紅分...
等到張大檯乾晒之後，跟住就幫部27吋iMac開包...
幾經辛苦放埋部iMac上檯，整整齊齊放好晒Keyboard同Mouse。
望一望個鐘...9:49...
差唔多...Emma差唔多就會上到嚟...
我望實道玻璃門...時間一秒一分咁過...
然後...我就望到玻璃門...有個身影...
“叮噹”門鐘響起...
我行前兩步...肥豬腦細就一個箭步衝咗出嚟...
「你嚟喇～入嚟先入嚟先～當自己屋企得㗎喇～」肥豬腦細披著人皮的豬扮狗...
又係咁...肥豬腦細不敢怠慢咁衝咗出嚟...
我都行前兩步...再行出兩步...
「等我嚟介紹吓先～呢個喺我哋首席設計師，陳飛揚。以後佢會照顧你㗎喇。」肥豬腦細個豬身一移，我再次見到一個...發光嘅天使出現！
長長嘅啡色秀髮，斜瀏海配上髮尾帶少少卷曲...高貴得嚟又不失少女氣息～
一雙大眼睛將男人嘅靈魂盡吸...
天工手藝...
雪白嘅面孔透出淡淡嘅粉紅...
半點人造粉都冇喺面上...
不帶半點人工修飾...
傳說中嘅裸肌...
雪白嘅肌膚由面部一路向下伸展，配上純白色嘅雪紡吊帶長裙將玲瓏浮凸嘅身段若隱若現...
底裙只係去到大腿再上少少嘅位置...
將修長嘅美腿令人更“慾”罷不能！
神來之筆！
仲有對腳著住嗰對三吋高嘅純白色高踭涼鞋...
一模...一樣...衣著同妝扮都係一模一樣...仲係咁美麗...咁動人...咁吸引嘅Emma...