有Emma伴在身邊咁行,上到嚟吉壽日本料理...

「隨便叫~唔好客氣~」肥豬腦細扮晒大方。

『多謝老闆。』屌你收皮啦...

屈完我俾錢又話遲啲俾返我...

啲應酬費你有邊次係有俾返我㗎?



而家仲要喺Emma面前用我啲錢扮大方...

呢啲叫咩吖?慷他人之慨呀屌你!

Emma坐喺我隔離,依然保持微笑。

不過算啦~有Emma呢個天使坐喺身邊,仲要見到佢嘅甜美笑容,係開心兼開胃嘅~

我隨手就拎起幾張唔同類型嘅點菜紙:『Emma,你想食啲乜?』



都係嗰句,循例都要問句~

「冇所謂,我咩都食~」Emma咪咪嘴咁笑住答~

『嗯~咁我就隨便點㗎喇~』上幾次都係點啲大圍嘢~而Emma都真係乜都食~仲食得好滿足~今次都係一樣就冇衰㗎啦~

「嗯~你點乜,我就食乜~只要係你點,我都會食~」Emma用好溫柔嘅聲線喺我耳邊講...

呢一刻,我又震咗一震!



Emma把溫柔嘅聲線...真係聽幾多次都係咁甜...

聽幾多次都會令到我個心都軟埋...

所以話呢~呢餐係抵俾嘅~

快快手手揀返啲大圍嘢~

『唔該~』交俾個待應~

『要唔要啲Wasabi?』我就繼續照顧Emma。

「少少夠喇唔該~」會講唔該嘅靚女吖...

究竟喺呢個香港裡面,仲有幾多女仔會講唔該?



真係唔好話要靚女,普通一個正正常常嘅女仔都唔會同你講唔該...

啲豬扒就更加唔使講...同啲靚女一樣,好似係你欠咗佢...個天欠咗佢...

究竟港女係點樣鍊成?我真係唔撚知...

啲野食一路嚟,我哋就一路食。

Emma都係嚟乜就食乜。

望住個靚女食嘢...真係一種享受嚟㗎喎~

仲要係一個身材咁好嘅靚女~



唔怪之得啲美食節目吖~YouTube Channel吖~咁鍾意搵樣靚身材正嘅囡囡食嘢啦~

俾啲港女覺得好似佢咁食就可以有樣有波幼腰又有蘿吖嘛~

自欺欺人啦~

一直跟住上幾次嘅次序上菜~

有靚女送飯,真係特別好胃口~

好胃口到又好似...忙記咗啲嘢...

仲要係...好似...好似係...好重要嘅嘢...

究竟係乜呢?



有人講過,有靚女喺身邊,記性係會差啲...

因為已經俾碌J控制住個腦...

“And you don't seem to understand...”

突然電話響起...

未拎部電話出嚟就醒起...仆街!又唔記得打俾Ashlynn!

屌明明上次仲記得!好醒咁打咗俾Ashlynn先!

點解今次又柒咗㗎?!



我立即滑動解鎖!

『喂~BB~我正想打俾你吖~』我換上一把溫柔到打冷震嘅聲線。

「算罷啦你!咪又係我打俾你!唔記得就唔記得啦!個腦都唔知用嚟做乜㗎!」電話傳嚟吵耳聲...

『唔係唔係...我真係諗住打俾你㗎~一拎部電話喺手姐,你就打嚟喇~』我掩住個電話,細細聲講。

「你唔係諗住我會信你呀化?!」Ashlynn嘅聲浪就嚟大到全個場都聽到...

『咁你想我點講你先會信吖?』我再坐離Emma遠一啲,怕俾Emma聽到我同Ashlynn嘅對話。

呢個時候,肥豬腦細問Emma:「今朝到而家,返工慣唔慣吖?」

「嗯~OK吖~好滿足~好有成功感添~」Emma亦答得好清脆。

「點解有女仔聲㗎?!」Ashlynn嘅聲浪就嚟大到全個旺角都聽到!

屌唔撚係呀化?!今次已經離得勁鳩遠...差啲坐埋去隔離檯添㗎喇喎...但都係俾Ashlynn聽到Emma把聲!

平時我講嘢Ashlynn又聽唔到...聽女仔聲又聽得咁清楚?!

『我同事...我同事...』我立即掩住個電話不斷解釋!

「同事?你話你公司就係得你個廢柴老闆同你咋喎!」Ashlynn繼續質問我。

『新同事...新同事...係太王太子女...』我繼續嘗試解釋!

「太王太子女?即係有錢女啦!」Ashlynn鳩估!

『係掛係掛...我都唔清楚吖...冇去深究吖...』屌講得係太王太子女就梗係有錢女啦...

「有錢女都係臭西嚟㗎喇~你呢次慘慘咯~」Ashlynn陰陰嘴笑~

『係吖係吖...』講到臭又邊夠你臭吖...

我指係性格吖嗱!

Ashlynn塊閪就唔臭嘅~仲幾好舐添~

「唉咁你自己執生啦~我唔理你喇~今日唔使打俾我喇~你放工先WhatsApp我啦~」Ashlynn冇我咁好氣咁~

『哦...』同上次一樣喎...

「哦咋?!」Ashlynn勁唔好老脾!

『唔係唔係...我會好掛住你㗎...』屌哦又唔撚得...

「收皮啦!見唔使打俾我報到開心死你啦!甩難啦!」Ashlynn把口勁臭!

我指係語氣...

Ashlynn把口就算俾我口爆完都唔臭~

『梗係唔係啦~我同你係二合為一㗎喇~』又要我講真實謊言~

「收啦你!鬼同你二合為一!淨係諗埋啲衰嘢!」Ashlynn極度嫌棄咁!

『邊係呢邊係呢~』咁都叫講衰嘢吖?定係你諗衰嘢咋?

「唔講喇!係咁啦!」Ashlynn一講完就Cut鳩我線!

邊個衰都好啦~總之又可以亂鳩咁狗衝啦~

繼續開開心心咁同Emma食嘢~(係~我係無視咗隻肥豬腦細~)

到飲飽食醉之後...

「多謝你474蚊。」侍應死口死面咁走到埋嚟。

肥豬腦細連摷都唔撚摷一下:「哎呀!原來我唔記得帶銀包喎!真係大懵喇~呀~飛揚,你出住先~」

『咁就等我請啦老闆~』喺Emma面前直接話我請~唔使俾肥豬腦細慷我之慨~

「邊係吖?返去俾返錢你啦~」肥豬腦細仲要扮晒大方咁~

『唔使啦~都慣㗎啦~』講完夾埋張卡落張單度。

「食嗰500蚊都要啲細嘅俾錢...而家啲腦細真係...」個侍應一邊離開我哋個範圍,一邊口噏噏。

肥豬腦細俾個侍應串完,條氣唔多順~

呵呵呵~連個侍應都睇唔過眼~

「多謝飛揚~」Emma雙臂夾一夾住對豐乳,帶住甜美嘅笑容向我點點頭~

『唔多謝~唔多謝~』連Emma都多謝我~

肥豬腦細條氣就更加唔順~

今次總算型返次~

食完個Lunch返到公司繼續做嘢。

肥豬腦細條氣仲係唔撚順咁行入房~

「係呢飛揚~」Emma就行到嚟我身邊,「我仲有啲咩可以幫到你吖?」

『唔...』仲有咩可以幫到我吖...

Emma企到咁埋...佢身上嘅香味...就飄晒埋嚟...傳入我個鼻...

好香...Emma個身...真係好香...

呢種香味...唔似係香水...

係體香...

少女嘅體香...喺Emma身上...散發出少女嘅體香...

好香吖...聞到Emma身上嘅體香...總係好想...好想扑...

「呃...我係唔係唔應該企埋嚟吖?」Emma退開兩步...

『吓吓?唔係唔係...』死喇...係唔係俾Emma發現咗呢?

發現咗我索佢嘅體香...腦裡面FF住同佢搞嘢嘅影像?

定係我已經扯到凸起晒...俾Emma見到?

冇吖...雖然係扯扯地...但都仲未凸起吖...

「我...我怕你會介意我望到你個Mon...」Emma指指我個Hang住咗畫面嘅Mon...

『哦?哦~冇所謂冇所謂~又冇乜嘢唔睇得~都係公司嘢咋嘛~』係咯~個畫面都係Hang住喺個平面設計圖...下面條Bar又冇開住啲奇怪網頁...

冇嘢唔見得光吖~

「我第一次出嚟做嘢...唔係好識呢啲相處之道...希望你唔好介意...」Emma雙臂夾一夾住對豐乳,向我鞠一鞠躬~

『唔緊要唔緊要~真係唔緊要㗎~我冇乜所謂㗎咋~』Emma對波...真係好大...條事業線勁長囉...

「嗯~」Emma面紅紅咁點點頭~

『嗯~』就喺呢個時候...

“Fly me to the moon And let me play among the stars”電話響起Fly Me To The Moon嘅鈴聲。

係細妹打嚟...係喎!

『喂~放咗學喇?』我向Emma點一點頭後,帶上Hand-Free。

「返到屋企添啦~唔該哥哥幫我收咗衫喎~」Hand-Free裡傳嚟細妹嬌娋嘅聲音。

『你唔怪我摺得唔夠整齊就好喇。』

「好整齊吖~整齊過我自己摺啦~嘻嘻~」

『以後都由我幫你摺好唔好?』可以經常搞阿Wing嘅內衣褲...

今次就唔小心俾條白色絲質底褲勾住喺我碌巨棒...

下次會唔會真係拎阿Wing條底褲包住碌巨棒嚟Chok?

再係咁搞落去...真係話唔埋㗎喎...

「好吖好吖~」

阿Wing又好似唔介意...

『咁懶㗎咩?』

我真係唔敢講吖...真係唔知仲控唔控制到自己...

「有哥哥照顧就要懶懶~」

假如阿Wing真係唔介意...俾我J佢啲內衣褲...而唔係唔介意我幫佢摺...

『係喇係喇~係唔係打嚟想問我請咗假未吖?』都係搞掂返啲正經嘢先啦~

「係吖係吖~請唔請到假呢?」

『老闆啱啱先返咋~我而家去問~我等陣WhatsApp你~』

「OKOK~Bye~」

雖然明知肥豬腦細一定批~不過都要問~唔問又點會批呢~

當我一起身,Emma想讓一讓個身位俾我行嘅時候,肥豬腦細就由房走出嚟...

「我而家要出去見個客,今日都唔返嚟㗎喇。自己做完晒嘢就放工啦吓~」肥豬腦細拎住個公事包急急腳走人。

『呀老闆...』我都未將我要講嘅野講完...

「點吖係唔係想問我拎返食飯錢吖冇料又扮四條!」

『唔係唔係~我話咗我請就我請啦~我係想問...星期四我可唔可以請日假?』

「請假...得得得得得啦你做得晒啲嘢就請啦吓我趕時間呀係咁...」肥豬腦細邊講邊衝出門口。

我幾驚因為今次我話請食飯而有變卦~

好彩都影響唔到最後結果~

冇錯...好多嘢都係改變唔到...

就算中間嘅路有少少唔同...最後都係行到同一個地方...同一個結局...

好~唔好諗咁多~覆返阿Wing先~

我笑笑口咁立即Send個WhatsApp俾阿Wing~

“OK!假已請~”

“噹” “Wing:賜酒錫晒哥哥^3<”

好~又搞掂~要做埋星期四啲嘢...

假如真係有星期四...

已經係第三次輪迴...係唔係真係會有星期四呢?

無限輪迴...係唔係可以脫離無限輪迴地獄...

又要點先可以...脫離...

「你好鍾意日本嘅動漫㗎?」Emma行近我身邊,帶住甜美嘅微笑打量住我~

『都OK啦...點解咁問嘅?』我一邊坐返埋位,一邊扮晒被Emma第一次問。

「頭先食飯你電話響,電話鈴聲係Serial Experiments Lain嘅Duvet。而你啱啱響嗰首Fly Me To The Moon就係Neon Genesis Evangelion嘅版本~」Emma行近我身邊~

『哦~係呀~首Duvet我用咗十年都冇轉過鈴聲。而首Fly Me To The Moon係因為有次細妹同我一齊睇Evangelion佢覺得好好聽,所以要我用呢首歌做佢專有鈴聲...係呢,你都好熟日本動漫喎~』Emma嘅體香...又聞到喺Emma身上散發出嚟嘅體香...

「我喺日本留學嘅時候都好鍾意睇動漫~Lain係其中一套我最鍾意嘅動畫!我睇咗五次喇~不過都仲係有少少唔明囉~」Emma表現相當興奮。

『Serial Experiments Lain其實都真係幾深~我都睇咗幾次~都仲未得明晒~』Serial Experiments Lain...

「你咁鍾意都未明晒?」Emma眼仔碌碌咁打量住我~

『係吖...你又知我好鍾意Lain?』我打量住Emma。

「呃...你話首Duvet用咗十年都冇轉過鈴聲吖嘛~咁一定係好鍾意啦~」Emma尷尷尬尬咁笑笑口~摸摸頭~

『哦~』Emma啲分析能力都幾強~

果然係人又靚~又聰明~仲要又有身材...仲要係萬金之軀嘅千金小姐!

公平咩?!

「咁點解你會咁鍾意Lain嘅?」Emma帶住甜美嘅微笑打量住我~

『點解吖...我係...最初我係睇到佢啲圖...吸引到我囉~』我諗返起...好耐好耐之前...搵Wallpaper之時...

「佢啲圖?哦!你鍾意𡃁妹仔嘅~」Emma睜大佢對大眼仔!指住我!

『吓?』我鍾意𡃁妹仔?咁都俾Emma睇得出?!