Emma對大眼仔仲係眼定定咁望實我~

我...我會對Emma做啲乜...可以做得啲乜...

『我...咪走去廁所FF住你嚟打J囉~』我都係隨口噏一句算...

反正都係假設性問題姐~

「你都射唔出㗎啦~咪又係返翻去今朝~」Emma帶住甜絲絲嘅笑容打量住我~





『係係係~你又講得啱~等我幫你Set埋公司個E-mail先啦~』唉都係唔好講咁多~做返正經嘢先~

「唔該~」Emma仲係完全冇避忌咁坐喺凳上~等我行埋去幫佢Set~

我就盡量控制住自己對眼...唔好四圍望...淨係望住個Mon...

『OK搞掂...咁兩張喜帖可以用公司E-mail Send俾客㗎喇~』唔好望...唔好望...望住個Mon好喇...

「嗯~」Emma就立即左Keyboard~右Mouse~





Emma真係完全唔避忌...我又居高臨下咁望到入佢衫領裡面...一對被白色無帶Lace邊1/2杯Bra包住嘅豐乳...

真係好正...呢個角度𥄫...

假如唔係因為打J都會無限輪迴地獄...我一定而家就衝入廁所瘋狂咁J...

等Emma Send完兩個E-mail出去之後...

「我算唔算完成咗第一樣工作吖~」Emma向我展露天真嘅笑容~





『嗯~仲好完美咁完成添~』我望住完美嘅Emma點點頭~

「多謝~」Emma帶住甜美嘅微笑望住我~

『客氣...客氣...你...你真係好幫得我手~』有Emma喺度...唔單止工作...我嘅人生都添滿色彩~

「咁即係我之前都好幫得你手啦~」Emma帶住甜絲絲嘅笑容打量住我~

『嗯~係吖~之前咁多次都好幫得我手~』Emma真係人又靚...又叻女...

呢個世界...真係公平咩?

我睇上帝太過偏心喇...

「嗯嗯~咁快啲俾多啲嘢我啦~」Emma一面期待咁望實我~





『嗯~好吖~咁就呢...』

我都係同上兩次一樣~俾多四張炸彈佢畫啦~

Emma一直都好專心,一直都好投入~

而喺呢個角度睇,Emma嘅美腿真係表露無遺~

無錯~我都係喺度𥄫Emma對腳嘅~(我有邊畫圖邊𥄫㗎...唔係冇做嘢㗎...)

Emma都係好鍾意伸長佢對腳仔~

將對腳伸到直一直...





又間唔時翹吓對腳,疊吓對腳~

有時坐耐咗,仲會踢吓踢吓對腳添~

不時換吓姿勢,等我𥄫得冇咁悶~

果然呢...就算俾Emma知道我無限輪迴地獄...就算對話有出入...但都未必會影響到打後會發生嘅事...

就好似Emma玩對腳仔咁...縱使冇買到花花婆仔鞋嚟著...仲係著住對三吋高嘅純白色高踭涼鞋...都會好似之前咁玩...

其實我一直都盤算緊...究竟“改變”...係有乜嘢契機㗎呢?

要有幾大嘅改變...先影響到後面嘅劇情發展呢?

要大到連工都唔返...直接行另一條線...





咁揀咗返工嘅話...又可以影響到啲乜呢?

講真...我又唔係好想有太大改變...

始終返工嘅話都係冇乜改變就穩陣...

而我選擇咗講俾Emma聽,我無限輪迴地獄呢件事,其實都已經好大影響先係...

或者係...某啲小節冇乜影響...但就影響咗某啲小節?

我就一邊𥄫Emma對腳仔...又𥄫𥄫佢嘅天使面孔...一邊諗諗...一邊工作...

Emma總係帶住甜美嘅微笑~努力工作~





其實我係唔係唔使諗咁多?

反正乜都唔做...順住個勢...到最後都係射唔出...又無限輪迴地獄...

唉~是旦啦~

一邊𥄫Emma對腳仔~又𥄫佢個天使面孔~一邊做~

喺我實而不華,且枯燥乏味嘅生活裡面...有Emma呢個天使出現~我仲諗咁多做乜鳩吖~

手上張炸彈搞掂埋~

五個平面廣告初稿...仲差一個~

「飛揚~我又搞掂喇~你今次要唔要過嚟睇睇吖?」Emma帶住甜美嘅微笑向我招招手~

『好吖好吖~嚟欣賞你嘅藝術品都好吖~』上帝創造咗Emma呢件完美嘅藝術品~Emma又創造完美嘅藝術品~

我行到去Emma身邊,佢就逐張逐張咁俾我睇~

『果然...同之前嘅都一模一模...不論係構圖...字...排版...』果然...果然呢...

「真係㗎?」Emma睜大對大眼仔打量住我~

『係吖~真係好奇怪~就算有改變...有啲嘢都係不變...就好似...沙盒...』我望住幅炸彈裡面個沙盒...

「嗯?沙盒?」Emma都同我一齊望住佢自己畫嘅沙盒~

『係...每次搖動沙盒...裡面唔同顏色嘅沙都會有影響...視乎你搖動嘅幅度有幾大...假如大啲...成個圖案就唔同啲...但假如只係輕輕力...個改變就只有好微細...』我一直望實個沙盒...諗...諗...諗...

就係咁...係唔係就係咁...呢個分析...夠唔夠細緻?

「你真係...好特別...」Emma眼定定咁望實我...

好特別...又係好特別...

『呃...邊係呢...我呢啲實而不華...且枯燥乏味嘅人...』點配得上特別...

「唔唔...」Emma望實我咁擰擰頭,「你真係好特別...唔止無限輪迴地獄呢個遭遇...你本身...本身思考模式...分析能力...同普通人好唔同...」

思考模式...分析能力...同普通人好唔同?

『咁應該唔係特別~係怪人~怪人遇怪事~』若你喜歡怪人...其實我很美~

「咁都可以係特別嘅人遇上特別嘅事姐~」Emma咬住下唇點點頭~

『咁我情願做個普通人喇...』唔使谷精上腦...

「你本來唔係就係一個普通人...過住普普通通嘅普通人生活咩?」Emma帶住甜絲絲嘅微笑點點頭~

『係~』實而不華...且枯燥乏味嘅普通人生活...

「明顯你就係普通就嫌悶~而家遇到奇怪事喇,又想返翻去普通生活啦~」Emma甜絲絲咁咬住下唇點點頭~打量住我~

『係~你啱~你真係冰雪聰明~』俾Emma睇穿晒添~

「多謝~」Emma帶住甜絲絲嘅微笑~

『哈哈~你真係好有禮貌~』我望一望Emma...佢雙臂夾一夾...成條事業線就夾晒出嚟...

「俾人讚係要講多謝㗎嘛~」Emma帶住甜絲絲嘅微笑點點~

『人又靚~身材又好~又做得嘢又聰明~你玩晒啦~』究竟Emma有冇缺點?

「你把口都幾甜㗎喎~」Emma面紅紅~帶住甜美嘅微笑咬住下唇~望實我~

『我唔係氹你㗎~我都冇氹過其女仔㗎~』唔好以為我唔知你諗乜吖...我好記得你誤會我好識氹女仔㗎...

「肯定你之前都係咁氹過我!」Emma塊面越嚟越紅咁打量住我~

『唔係吖唔係吖...真心話嚟㗎...之前都係咁...然後又俾你誤會我氹你囉...』點解總係會俾Emma誤會㗎呢...

「仲話真心話~氹死人啦~」Emma雙手撳住自己塊面豬谷~越嚟越紅~

『有咁易氹㗎咩?』我又真係唔信...講幾句就氹得死...

「唔...睇吓邊個啦~」Emma隻手指仔掂掂自己個嘴仔~

『我都氹到你嘅話...即係好易氹啦~』我真係唔識氹人㗎嘛...

「唔係囉~」Emma帶住甜美嘅微笑擰擰頭~

『仲話唔係?我咁唔識氹女仔都氹到你嘅話,有邊個氹唔到你?』我就真係唔理解喇~

「唔係咁㗎~」Emma擰擰頭,「唔...人夾人緣吖嘛~我呢種好容易俾你呢種氹到囉~」

『你呢種?我呢種?即係邊種?』我Get唔到喎...

「唔...唔知講好呢...係感覺...一種感覺~」Emma面紅紅~對手臂又夾一夾~成條深溝出晒嚟~

『嘩...講到感覺呢樣嘢...科學都解釋唔到㗎喎...』女人先明...男人永世都唔明...

「總之我就覺得你好識氹女仔啦~」Emma甜絲絲又面紅紅咁打量住我~

『識唔識氹女仔都唔緊要~最緊要嘅係我氹得你開唔開心先?』反正都係俾人誤會~

「都幾㗎~」Emma塊面越嚟越紅~咬住唇咁望實我~

『幾咋?』望住Emma面紅紅個可愛樣...又望佢對北半球...

「咁你繼續氹我吖~」Emma好期待咁咬晒唇~對手仔撳住自己塊面夾頰~

『天使都要凡人氹㗎咩~』好靚...真係好靚...

「你把口甜到呢~」Emma雙臂再夾一夾~對腳仔踢踢~

『咁你真係天使...』就喺呢個時候...

「傾咩咁好傾吖?」肥豬腦細由房走咗出嚟。

『哦...冇~傾啲公事姐~』我同Emma打咗個眼色~

「嗯嗯~飛揚教咗我好多嘢吖~」Emma又同我打咗個眼色~

「咁就好喇~融融洽洽~」肥豬腦細行到去Office嘅中間,「嗱~為慶祝Emma加入我哋呢個大家庭...我已經Book咗吉壽日本料理食放題啦~」

『好高興有你加入我哋呢個大家庭~』我同Emma互相對望~點住頭咁~拍拍手~

「我都好高興可以加入你呢個大家庭呢~」Emma甜絲絲咁望住我~點住頭咁~拍拍手~

「好~我哋出發!」肥豬腦細帶頭走向門口。

Emma好自然咁行到嚟我身邊細細聲講:「果然真係~」

『都話㗎啦...』又跟返本來嘅路線...

Emma企喺我身邊一齊等𨋢,繼續細細聲講:「我同你之前嘅對話...都係完全一樣?」

『唔一樣...』我都細細聲講,『有啲出入...』

Emma諗一諗...點點頭:「咁真係...搖動嘅幅度唔夠大...」

肥豬腦細撳兩撳部電話,發現我哋細細聲講:「嗯?你哋傾啲咩吖?」

『哦冇~都係傾返頭先工作啲嘢~』撳電話就專心啲啦...

Emma都帶住甜絲絲嘅微笑點點頭:「係吖係吖~飛揚佢真係好體貼~係個好上司~」

我又接住講:『上司又講唔上~同事~同事~』

肥豬腦細都幾滿意咁點點頭:「咁都好吖~最緊要係夾得嚟~」

我同Emma都點晒頭:「夾得嚟~夾得嚟~」

我同Emma再帶住微笑望住對方~

Emma伸伸條脷仔~真係勁可愛~

肥豬腦細撳住部電話:「不過Lunch就唔好再傾公事喇~有𨋢喇~入𨋢啦~」

『哦~好好~』我就請Emma入𨋢先~

「嗯嗯~」Emma點點頭~斯斯文文咁入𨋢~

我哋一行三人一齊搭𨋢落到嚟大堂,一齊行出大閘,Emma都好自然咁與我肩並肩咁行~

我同Emma仲不時都會眉來眼去咁~打打眼色咁~

呢種感覺...真係唔錯~

直頭係正添啦~

可以同到天使一樣咁靚嘅靚女咁親密咁喎~仲唔正吖?

我咁大個仔真係都未試過有呢啲咁難能可貴嘅機會...

都係嗰句啦~Ashlynn係靚~但絕對唔係天使囉~

天使吖!天使係由內到外都無可挑剔㗎!