冇錯...請半日假...就係想早啲返去~接阿Wing放學~俾個驚喜佢~陪佢多啲~

繼續好似乜事都冇咁食嘢~

講真我就真係冇乜嘢~係肥豬腦細同Emma比較在乎我感受~

老老柒柒都過咗咁耐啦~仲有啲乜嘢吖~

更老實嘅係...知到Ashlynn俾帽我戴...真係冇乜感覺...





一來...我係預咗...

同Ashlynn一齊咁耐,仲唔知佢咩性格咩~

可以話係...戴帽只係遲早嘅事...

講真拍拖呢家嘢,唔係人俾帽我戴,就係我被人戴帽㗎啦~

二來...我...或者真係...並唔係咁愛Ashlynn...





縱使Ashlynn有連詩雅咁索咁好砌...我都唔係咁愛佢...

總係...缺少咗啲嘢...

到飲飽食醉之後...

侍應跪咗喺我面前:「多謝大佬474蚊...」

『你你你...唔使跪我吖化...』收錢姐...唔使跪嘅...





「要嘅大佬...你係我偶像吖大佬...請受小弟一拜...」侍應拜咗我一拜...

『唔好咁唔好咁...起身先...起身先...』咪撚玩啦屌...

「係嘅大佬...你真係好Man吖大佬...」侍應企起身都要鞠幾個躬...

『哈哈...哈哈...』戴帽都可以戴得好Man囉...

肥豬腦細揭一揭個卡套:「呃...我...我唔記得放返啲卡入去添...飛揚...你介唔介意出住先?我返到公司立即俾返你吖...」

『我請得啦~』我就拎張卡出嚟~

「唔係咁好嘅~返去俾返你啦~」肥豬腦細勁老尷咁...

『一家人吖嘛~唔使計啦~』我就夾咗張卡落張單度~交返俾個侍應~





「多謝晒大佬~多謝晒大佬~」侍應再向我鞠住躬咁向後退~

Emma帶住甜美嘅笑容望實我:「多謝飛揚~你真係好~」

『哈~邊係吖~』

食完個Lunch行返公司。

Emma都係同我肩並肩咁行~不過就...仲係有啲拘謹咁囉~

不過講真嗰句,我真係越嚟越鍾意著住三吋高嘅純白色高踭涼鞋嘅Emma...

對腳又修長...又高挑...真係好靚...





或者係因為...Emma曾經著住呢對三吋高嘅純白色高踭涼鞋同我搞...仲係企到對腳直一直...翹起個屁股俾我從後狂抽猛插...

唉屌...又勾起返同Emma搞嘢嘅片段...

一返到公司...

『吖係吖老闆...今個星期四我想請假...唔知可唔可以呢?』就趁而家問埋啦...

「可以~」肥豬腦細笑笑口~「梗係可以啦~放多幾日都得㗎~放到心情靚靚先返工都唔怕㗎~就當清清啲年假啦~」

『多謝老闆~』我向肥豬腦細鞠個躬~

「唔多謝~咁你哋執好嘢就放工先啦~等我嚟鎖門得㗎喇~」肥豬腦細就邊講邊行入房。

好~總算搞掂晒~執好埋啲嘢就走得~





Emma都執好張檯:「係呢飛揚~跟住你會去邊吖?等我車埋你吖?」

『我?冇~諗住返翻去屋企咋嘛~咁遠就唔好啦~』隨便執好張檯熄埋部腦拎埋公事包就走得~

「都唔係好遠咋嘛~」Emma已經拎埋個手袋仔~行到埋嚟我身邊~

『大西北喎~仲唔遠吖?』唔鬼等部腦喇...由佢自己慢慢熄啦...

「唔遠唔遠~好快咋嘛~」Emma帶住甜美嘅笑容~

『咁又係...』Emma揸林寶~話咁快就到~『咁就有勞喇~』

「我嘅榮幸~」Emma帶住親切嘅微笑~





同Emma一入𨋢,成部𨋢都係得我哋兩個。

Emma都仲係成個小鳥依人咁~企喺我身邊~

落到大堂推開大閘...我就同Emma肩並肩咁向住朗豪坊方向行。

Emma一路上都仲係小鳥依人咁~

令我好有大男人嘅自豪感~

雖然我真係唔係咁認同日本嘅大男人主意...之但係得罪講句...喺日本留學返嚟嘅女仔...係唔同啲~

過幾條街,與Emma肩並肩咁嚟到朗豪酒店停車場,行到一架被黑色車套蓋住嘅汽車前...

車套前...一大個Logo...

黃黑色嘅Logo...

Emma一手打開車套...

My Dream Car Lamborghini Aventador LP 700-4 Roadster就喺正我面前~

蓬已開~Metallic Blue~十足十官網部Model一樣~

而家再睇到,都係咁震撼~

都係嗰句啦~我真係好鍾意Lamborghini~人一生一定要有一架Lamborghini~

我行近客座...

Emma都行到去駕駛座~掀開鍘刀式車門~

我都好型咁掀開鍘刀式車門~坐上真皮跑車座椅~

Emma用佢隻纖纖玉手掀開紅色蓋,按落個發出紅色光嘅“START ENGINE STOP”字樣嘅黑色掣度~

“吼!”感受住隻狂牛由背後衝埋嚟...真係好有Feel~

Mid-Engine就係正在呢樣~仲要係V12~真係爽到爆~

如果女仔唔明呢種感覺有幾爽,就FF好似俾猛男從後狂抽猛插嘅感覺~

“依...”Emma一俾油,LP 700-4 Roadster就衝住去!

“吼~吼~吼~吼!”喺旺角鬧市,LP 700-4 Roadster俾路上嘅司機同行人讓住咁行駛~

“吼~吼~吼~吼!”真係好快,好快我地就衝咗上高速公路~

我今次都唔敢再𥄫...𥄫Emma...

唔好啦~真係唔好啦~唔好再諗咁多喇~乖乖地坐定定咪幾好~

「係呢~想唔想聽歌吖?」Emma隻腳一收一放~

“吼!吼!吼~~~”

『冇所謂吖~你唱吖?』難得有得聽天使唱歌喎~

「哈哈~梗係唔係啦~我會怕羞㗎~」Emma單手揸軚盤~另一隻手仔就撳一撳個播放掣~

『哈~』然後...我就聽到...音樂響起...

然後...然後...

“十年又過去 舉止仍像少女”

呢首...係...

“你跟我每夜仍聚聚 到夢裡追”

係咩歌?

“贈你哈囉吉蒂那玩具 這天早變作茉莉香水”

我...我未聽過...

“你的笑 卻是照舊和煦”

從來都未...

“留在你漫畫書裡 當初那美麗神仙伴侶”

但就好似...

“就像那青春洪水 現在已經不可能追”

喺心底裡...

“那故事倉猝結束不到氣絕便已安葬”

有種感覺...

“教兩人心裡有道不解的咒沒法釋放”

有種...

“讓我們打聽對方今天過得一切平安”

難受?

“縱使相見已是路人茫茫 臉書等愛侶入睡卻偷看”

係難受嘅感覺?

“自離別剎那 今生停頓了嗎”

點解會...會覺得難受?

“縱使我最後曾認命 邂逅了她”

呢首歌...

“但信一天總會再遇吧 我想聽你說別喜歡她

你跟我 以後抱著回家

其實你是一幅畫 狠狠往這舊人心上掛

現實過得不順嗎 定定望向這畫中曇花”

好似好到肉...

“那故事倉猝結束不到氣絕便已安葬”

我個心一路跟住個節奏跳動...

“教兩人心裡有道不解的咒沒法釋放”

但冇理由...

“讓我們打聽對方今天過得一切平安”

冇理由會有...

“縱使相見已是路人茫茫 記憶中你仍像初戀好看”

共嗚...

”吻過二十年還未寒 離去六十年仍熱燙

共你就似被舊情下了降 像下了降

每晚都想起對方”

我根本上就...冇人...冇人令我回想起...

“誰亦會講 假使那樣懷念必會再次有迴光

其實只要 讓我耿耿某人思憶早閃閃發光

個個也探問愛戀不老的秘方 唯獨壯烈離座可百世流芳

你未忘 我未忘 猶勝伴在旁”

冇人未忘...

“那故事倉猝結束不到氣絕便已安葬

才成就心裡那道不解的咒沒法釋放

讓我們打聽對方天天過得一切平安

縱使相見已是路人茫茫 這生恐怕會念念你不放”

冇人...念念...

“流連著不想過對岸”

不忘...

但點解...點解會有眼淚...由左眼流出...面上留下淚痕...

「飛...飛揚...你冇事吖嘛?」Emma有啲替我緊張!唔係好專心路面嘅情況!

『冇...冇冇冇...係唔知點解...』點解喺我心裡面...總係有種...傷感...

「嗯?」Emma減慢車速~Cut返入中線~

『呢首係咩歌?我從未聽過...』但...但又似曾相識...

「呢首吖?係念念不忘~係耿耿於懷十年後嘅續作~仲未正式推出㗎~不過我機緣巧合之下去咗聽佢哋錄歌~見幾好聽所以就問佢哋Copy咗返嚟自私聽~」Emma帶住甜美嘅微笑點點頭~

『係...吖?』係耿耿於懷...十年後嘅續作...

Juno...新海誠...唔係...伍樂城...

「我覺得正式推出嘅時候,一定會大熱~」Emma好有信心咁點點頭~

『會...會...』一定...一定...

我都有呢種感覺...但唔知點解會有...

我本來就係一個音樂白痴...唔識得品評歌曲...

「唔?做咩吖?你好似...好感觸咁嘅?」Emma望一望我~又好唔專心咁揸車~

『我...我都唔知...明明...明明冇呢種共嗚...冇對任何人念念不忘...亦唔係特別鍾意耿耿於懷...甚至都冇乜聽Juno嘅歌...但呢首...念念不忘...總係好似...好熟悉...好似喺邊度聽過...』係喺邊度?

「冇理由㗎喎...聽佢哋講...最快應該都係今個禮拜尾先正式推出...你冇理由會聽過~」Emma諗諗又擰擰頭~

『就係咁先奇怪...好似喺邊度聽過之餘...仲好有感覺...喺我內心深處...有種淡淡然嘅傷感...』我真係唔識講...

「唔...會唔會係因為...你啱啱...」Emma帶點...內疚?

『唔會啦~唔會係因為佢囉~』點解Emma面上會帶住點點內疚嘅神色?

「真係...唔會係因為...」Emma點點內疚之中帶點點疑惑...

『真係啦~條八婆邊有咁大影響力吖?我當佢臭四咋~』雖然喺Emma面前唔應該咁粗魯...

「嗯~咁就好喇~」Emma又好似放下心頭大石咁~

或者係因為Emma真係有顆天使嘅心啦~

憐憫每個世人啦~

當中都包括埋我啦~

真係好...上天終於都留意到我呢個邊緣人...派個天使嚟我身邊~照顧我感受~

不過講返轉頭...點解呢...點解我對念念不忘呢首歌...咁有感覺㗎呢?

“吼!吼~”Emma一俾油就Cut返入快線~Metallic Blue嘅Lamborghini就喺高速公路上極速飛馳~

我一直都喺度諗...成程都喺度感受呢種感覺...喺深心處...

感覺呢樣嘢真係好神奇...解釋唔到...

而究竟我係唔係真係有聽過呢首歌?

又喺邊度聽過?

我諗...就只有...發夢...

我真係唔知...唯一可以解釋到就係喺夢中聽過~(咁都算係解釋?)

“吼吼!吼~~~”騎住快線咁極速飛馳~差唔多就跑晒成條屯門公路~

真係好順暢~冇遇到交通意外塞死晒成條屯門公路~就連的士見到我哋衝緊上去都立即Cut入中線,讓我哋行~

揸超跑就係有路權~

唉...呢個世界幾咁現實...

「係呢飛揚~你想我喺邊度放低你吖?」Emma繼續踩行油~架Lamborghini又超定咁過彎~

『呃...喺安定...知唔知邊度安定?』啲千金小姐平日都唔會走入嚟大西北...更唔好話知唔知邊度叫安定...

「嗯~知吖~安定放低你?」Emma好肯定咁點點頭~

『嗯嗯...安定放低我得㗎喇唔該...』真係知?冇開GPS㗎喎...

“吼!吼!吼~~~”Emma又真係好識路咁Cut線~駛入藍色嘅“時光隧道”~

嗱...唔好咁老定...話唔定會搞錯駛咗入友愛嘅...

就算有路牌吖...都好易行錯...

之但係...Emma又真係好熟路咁~駛入安定~

“吼!吼~吼...”好定咁慢慢行駛...

「嗰邊放低你OK?」Emma望望路邊嘅空位~

『OK吖OK吖~』真係平平安安嚟到安定...

真係估唔到...Emma呢個千金小姐...唔止手車好...仲咁識路...

Emma一個扭軚,就攝咗埋去個空位度~

真係好勁~揸咁大架大牛都可以睇得咁準~

『唔該晒~唔該晒~』我解開安全帶。

「唔使客氣~」Emma帶住甜美嘅微笑擰擰頭~

『要你嘥咁多油車我返嚟大西北...真係唔該晒~』我打開鍘刀式車門。

「哈哈~你真係好特別呢~」Emma帶住甜美嘅笑容望實我~

我...又...好特別...

講特別...Emma先係特別...

“咔”

閂埋道鍘刀式車門後,我望一望Emma。

Emma...Lamborghini...靚人靚車喺條殘舊嘅屋邨馬路上...

「咁聽日見喇~」Emma帶住甜美嘅微笑向我揮揮手~

『嗯~聽日見~』我揮揮手...行後兩步...

“吼~吼~吼~吼!”

目送住Aventador LP 700-4 Roadster一抽頭,絕塵而去...

『天使同林寶...都唔屬於呢個被遺棄嘅舊區呢...』