我買左宵夜上女朋友屋企: 第七章 神秘人

........
手臂的傳來一陣陣酥麻酥麻的麻痺感喚醒了我,
我吃力張開乾澀的眼睛, 本能地抬頭望望周圍環境!
網吧......啊!我竟然在這睡著了.
望望螢光幕右下角的時鐘:七時三十三分.
螢幕上依舊是那段充滿疑問的片段...
眼前突然一亮, 目光停留在片中煙灰缸上.
煙灰缸上刻有英文.
「M........P....A......LA....CE.....」
「M. PALACE?!」


一間位於港島的五星級酒店?
究竟酒店套房點解會裝有攝錄機??
「喂,我係Dan Wong!咳咳...唔好意思.....我今日有d唔舒服...咳咳...想請假睇醫生...好...」
自問演技拍得住johnny depp既我成功拎左假, 決定去酒店探個究竟!


「無估錯既話......片中既女仔應該係你女朋友.」
正當我企起身準備起行個陣....突然傳來一把男聲, 我轉過頭, 見到一位帶黑框眼鏡,著格仔恤衫的男生坐在我身旁, 他沒有回頭, 目光停在眼前電腦.
面不改容既佢繼續道出:「如果你堅持要去尋根究底, 你最好要有心理準備。」