我買左宵夜上女朋友屋企: 第十二章 研究

我緊閉雙眼已經有準備受死的意思, 
等左幾秒之後我依然感受唔到任何痛楚... 
突然有把機械聲出現, 
「身份確認 編號D5300」 
咩話..身份確認?! 

轉過頭, 走廊盡頭既門已經打開, 
或者我怕激光牆網再次出現, 所以我當機立斷就跑左入去, 

室內有幾十台電腦, 成幅牆都係瑩幕, 瑩幕上出現密密麻麻既格仔. 


細心一睇,每一個格仔都係監視住唔同既酒店房間...攝影角度同usb段片一模一樣.... 

係到可以將住客既一舉一動睇得一清二楚...... 
間酒店究竟想做乜鳩啊....?! 受害者極有可能唔止一個...... 
我立即求其開左部電腦, 希望搵到d有用既野, Click左入寫住「HC」既files. 

「Human cloning僅能複製人肉體，也就是說並不能複製記憶，因此複製人產生後仍須重新學習且將擁有自己的生命記憶，而海馬迴與形塑新記憶息息相關，若能控制複製人腦部的海馬迴，研究成功就能確保複製實驗體能擁有原體的記憶，甚至知識，或者能幫人在精神上延續生命。」 

複製人? 一間酒店竟然研究複製人?! 
無可能.....技術都未成熟..... 


我搖搖頭...唔夠膽相信背後竟然有咁大陰謀... 
就算真係研究複製人, 咁點解要捉bliar?!!!! 

我再次審閱檔案的文字... 
拉落去見到左下寫住, DR. CHAN CHUN 
陳駿?!咪即係個毒男?! 
屌點解我咁撚蠢, 我一直都覺得佢有古怪! 
我突然非常自責...或者我一早察覺可能會改變到d乜... 

佢一定知道bliar下落, 諗到呢到我立即用同樣方法離開酒店, 


打算去陳駿間屋搵佢問清楚! 

陳駿開門見到我個刻毫不意外, 好似一早知我會搵佢咁。 
但我一入到去二話不說一拳打到佢訓低, 
「你條仆街究竟將bliar收埋係邊?!」 
「對唔住.....」 
佢慢慢爬返起身......沉默左一陣終於開口向我道出一切.....