加拿大的旅程: 2.

「肥牛熟喇！再唔食就變老喇！」
「魚蛋浮面喇，食得喇。」
......
對著Quinn的煩人，我有一個令自己好過一點的方法。
就是幻想自己去了海底撈。

「先生，你啲魚蛋熟左喇。」
「等我幫你撈上黎呀。」

「哦.....哦哈哈。好呀，唔該哂。」


「咁好招呼嘅。」

等等。
我不小心把這句說出口了。
「咩咁好招呼呀？依到明明係你屋企黎架。」Quinn帶點疑惑。
「我同Kate麻煩你就真啦。」

最後，Ivan選擇了最基本的昆布湯底。
還有和牛片。
有和牛片。


和牛片。
和牛。

「喂，今餐啲牛咁靚嘅......」坐在我一旁的Kate說。
Ivan為了可以面對著Kate，而叫我坐在她的身旁。
而他就坐在Quinn的身旁。

她打開自己的手機，看了看自己這個月的洗費。
「我驚唔夠比呀。」她悄悄的在我耳邊說著，「你知道Kong Soc班人聖誕節幾 Chur架啦.....」



在T&T裡，我還懷疑為甚麼Ivan沒有買到肥牛，然後又叫我先快點回家準備Gas爐。
最後才知道他偷偷的跑去買和牛片。

「你唔夠錢比Ivan一定幫你比架喇，放心啦。」
「吓？點解嘅？」Kate反應過來，「邊好意思呀！」
Ivan馬上怒目看著我。
沒有甚麼能夠挑起他的情緒，就只有他和Kate的「友誼」能夠使他發火。

「冇冇冇。Ivan比住先姐。」心知說錯話的我，隨便說了個藉口敷衍了她。
「唉，早知就唔黎啦......」
「算啦，最多我同Ivan甲下錢請你同Quinn食和牛啦。」

「真嘅？！多謝你地呀！」「下次再煮All Day Breakfast比你地食！」
「多謝呀媽。」
「妖！」Quinn滿臉笑容。



在Quinn的照顧下，我們早早就清完枱上的食物。
就只剩下啤酒，和雪櫃裡的蛋糕。

「喂Kelvin。其實我今日打邊爐唔係因為近排天氣凍左好多。」
「係因為我知道Kate會去Kong Soc果邊嘅聖誕Party。」
「而佢生日又係聖誕節果日。」
「所以我想今日同佢興左生先。」
「和牛就我請啦。」

在Kate和Quinn上到來之前，Ivan才讓我知道這個計劃。
他還買了個頗昂貴的蛋糕。
難怪他之前不斷走堂，天天努力打工。
我問，其實他都願意為Kate做到這一步了，為甚麼仍不敢表白呢？
他說，他感受不到Kate對他一丁點的好感。就只是友情。


只是換來她的一笑已經很滿足了。

「Happy Birthday to you......」Ivan偷偷從房間裡拿出蛋糕來。
「你地......」Kate沒想到我們會在今天為她興祝生日，
「Quinn你係咪同佢地夾埋架！」
Quinn馬上搖頭。
就連我都是最後一刻才知道這個計劃呢。

「生日快樂呀，Kate。」Ivan把蛋糕捧到Kate面前。
「多謝你地呀。」她臉上盡是快樂的笑容。
「同你地喺埋一齊，算係我喺加拿大最開心嘅時間喇！」
大概，這就是Ivan最想聽到的說話吧。

切完蛋糕後，Kate又悄悄地走到我身旁。
「聽日陪我去個地方呀，好冇？」


「我就快要番香港喇。」
「唔好同任何人講。求下你。」

「咁點解你要同我講？」
「聽日你就知。」