加拿大的旅程: 6.

「未呀。」我說。
「我唔係好訓得著。」她說。

「嗯。我都係。」
「不如傾陣計？」
「好呀。」

於是，她便開始回憶我們四人第一年的相識。
她跟Ivan相認了，後來又認識了Quinn。
最後又透過Ivan，認識了我。



又想起在Downtown旁，跟Quinn二人如何被印度人搭訕，然後又被我跟Ivan救走。
「我都記得呀。」
「果晚喺Cactus飲到醉醉地，我同Ivan行快左兩步。」
「行行下唔見左你兩個，就番轉頭搵你地。」
「果下先見到你地喺馬路口比印度人撩。」
「好在有你地咋。」她說。

「仲記唔記得有次成班人果個月都洗突左，之後去Spaghetti Factory求其叫個Pasta，」
「然後係咁叫麵包食？」我說。


「唔好講喇！果次仲要搞到個待應黑哂臉。」她說。

「呼。估唔到我咁突然就要番香港，冇得再番黎。」
「係呢，你有冇諗過，點解我會咁樣叫你黎？」
「有呀。但諗唔明。」我說。

「每次你同Ivan出去玩，都會叫埋我黎。」
「我仲以為係你追緊我架。」
「慢慢我又真係對你有啲啲好感喎。」
「但諗深一層，其實好可能都係因為Ivan。」



「我本來都唔想相信係Ivan搵你叫我黎架，哈哈。」
「但係見到你今朝個樣，我只可以接受依個現實喇。」
即使在暗中，我也想像到她苦笑的樣貌。

「你知道Ivan暗戀你？」
「點會唔知呢。中學最後果年就留意到喇。」
「無論點都好啦。多謝你肯比我呃黎依個Trip。」
「價錢都唔平。又要搞到你冇得同佢地倒數。」

「唔會啦。就當同你過一次除夕夜啦。」我說。
「多謝你比面呀。」她說，「我訓先喇，聽朝都早。」
「嗯。Good Night。」
「Good Night。」



如果，只是如果，我在這數天當她的男友呢？
然後，就當這一切都沒發生過。