陸聿說: 冰釋

突如其來的消息，讓人手忙腳亂。

鑑於疫情日趨嚴重，總部下達指引，明天開始在家工作。我的這個行業，在家工作所需的準備功夫多如牛毛，基本上一收到指引，我就已經忙到忘了自己是誰。

「Cleo, 阻你一陣！」阿直永遠都是敢死隊，所有人都害怕我的目無表情，只有她夠膽衝過來。
「兩分鐘，快！」看了下手表，下一個會議就在5分鐘後。
「尋日你怪錯咗Jasmine喇，佢個office messenger壞咗，咁啱我又俾咗啲急嘢俾佢做，佢根本冇時間整返好個messenger，你又一直喺房開會，佢根本唔知你有搵過佢呀...」
「點解佢唔自己同我講？」
「佢唔想喺咁多人面前落你面吖嘛！」
「嘟嘟嘟」就在我想著是否該要做點甚麼以示歉意的時候，電腦響起了會議的提示音。




「我講完㗎喇，有咩需要就開聲啦！」阿直幫我關上了門。

整個下午都在會議中度過，關掉視像時都已經七點多了，她大概已經回家了吧... 本來還想道個歉甚麼的，但現在人都走了...

我打開房門，準備到Pantry喝杯水再回來繼續奮戰，誰料一打開門，她就站在那裏，手舉在半空中準備敲門。
「你... 你做咩突然間開門...」她一臉無措的樣子，好可愛。
「我聽到腳步聲，以為有賊。」我笑著說。
「咁你有無興趣同賊仔去食飯？」
「賊仔想偷咩先？」
「想偷... 就梗係唔話你知啦！」她似笑非笑的看著我，未完的話尾，留下無限想像空間。




「懶神秘！想食咩呀，今晚師傅請。」唉，膽小鬼，又拿師徒名份做擋箭牌。
「你陣間食完飯係咪要再返嚟做嘢？」
「唔做喇，食完送你返屋企。」如果你沒出現，我確實會回來繼續工作，現在嘛，只好回家再做了。
「咁... 我出去執埋啲嘢，好快，5分鐘！」她風也似的走了，表情𥚃聲音𥚃無不透著雀躍，連帶著我也被感染。
「慢慢啦，唔好執漏嘢呀！」

「喂，尋日... 唔好意思！」駕車前往餐廳的路上，我看著正前方，眼角卻在偷瞄她的反應。
「今晚我要食Omakase! 」我們本就說好了要去吃Omakase，怎麼又再次提出，真是怪小孩。
「而家咪同緊你去食囉... 」怎麼辦，她是不是走神了沒聽到我的道歉？要再說一次嗎？
「食完就當無數啦！」原來如此。聰明的她，早已察覺這餐飯的目的。不經意間流露出的體貼，讓我心顫。




「星期日，不如一齊去行山？」控制不住衝口而出的邀約。誰說過要保持距離，誰說老牛不要吃嫩草？！
「如果我扭親腳，你係咪會孭我落山？」她的回應總是如此跳脫又大膽。
「我幫你叫直升機。」
「Ok, as long as 你陪住我。」小徒兒，攻勢不要如此凌厲，師傅老了，招架不來...