魔獸工作室: 賊船

退出魔獸世界後，方鴻漸在電腦椅上伸了個懶腰。這時，魔獸世界的應用程式窗口處，彈出了一個語音聊天視窗……

謎之聲: 「嗨，好耐冇見啦。」

鴻漸疑惑的瞧了瞧聯絡人的名字，緊接著眼神一亮，竟然是初中損友向清秋。

鴻漸: 「喔？係清秋啊？乜嘢風將你吹返嚟㗎？」

清秋: 「當然係魔獸懷舊版啦，但我唔係嚟隨便玩下嗰種…話時話，你有冇興趣大賺一筆？」



鴻漸(猶豫): 「賺錢？你話喺遊戲入面？我喺KFC有份正職㗎，空閒時間唔多……」
 
清秋: 「哈哈，你以為我空手而嚟？我手頭有個『科技』，開起工作室嚟收入比你做快餐多太多啦！」
 
鴻漸: 「邊種科技？外掛程式？你有冇查過法例，就唔驚畀人告咩？」
 
清秋: 「呵，你有所不知，自動練功類嘅外掛因為冇干擾內存或者伺服器嘅紀錄，喺香港係合法嘅。」

鴻漸指節叩著桌面，面色變幻，久久沒有說話。



所謂工作室，其實就是一種靠販賣裝備、虛擬貨幣兌現的淘金門路，如果真沒有法律上的問題，既可以一邊玩一邊工作，又可以改善物質生活，不失為一份筍工……

還沒等鴻漸回應，清秋把一個檔案寄到了他遊戲帳號綁定的電郵地址。

清秋: 「冇咩風險㗎啦，唔信你可以檢查一下，順便幫我搵多個合伙人啦，係咁先！」

清秋火急火燎的留下一個電話號碼，然後掛斷語音，帳號名字很快便暗了下去，又潛水了。