誰是宮鬥冠軍: 一
「姐姐！」幸如在日出堂的門口喊著。
翠珊興高采烈地走出來，迎接她的好姊妹。
「得喇！隨時可以行喇！」翠珊牽着幸如的手說。
幸如打量著翠珊一身的嬪妃裝扮，粉色嬌嫩又不失優雅的衣裳，旗頭上碧玉花朵作小點綴。翠珊可愛的容貌，加上留著齊齊的瀏海，配搭一身裝扮，實在令人傾心。
「嘩......姐姐，你好靚啊！果然唔同哂啊！」幸如興奮地拍著翠珊的手臂說。
「哎呀，快啲行啦，我地仲要去同皇后娘娘請安㗎！」
「好啦。」
兩人手牽著手，就往景仁宮去了。
————————————
「嘩......你睇下，果然係皇后嘅宮啊，大到......」幸如看著四周的環境，皇宮的氣派已令她目瞪口呆。
「如果我有咁大嘅庭園就可以種好多仙人掌喇。」
此時，正殿𥚃有一位姑姑走出來，並走到兩位面前。
「兩位小主吉祥，奴婢係皇后身邊嘅貼身姑姑—清菊。」
「姑姑有禮。」翠珊道。
「各宮主子已經喺殿內等緊兩位喇，連同你地一齊入宮嘅羅答應都到咗，請跟奴婢入去啦。」
「姑姑請。」
此時，幸如捉緊翠珊的手。入宮兩天，終於要跟各位娘娘見面了，心謊得很。而翠珊則看著幸如並報以一個安心的微笑，像是對她說「不用怕。」
————————————
「嬪妾向皇后娘娘請安，皇后娘娘萬福金安。」幸如、翠珊、詠棋跪下向皇后娘娘行大禮。
「都起身啦。」皇后露出親切的笑容説，手勢示意她們平身。
「嬪妾向瑋妃、比妃、怡嬪娘娘請安。」
瑋妃和比妃向她們善意的點頭，唯獨怡嬪一眼也不瞧她們。
「妹妹們，入宮第二日，一切住得舒服嗎？」皇后問道。
「回稟皇后娘娘，一切安好，謝娘娘關心。」翠珊答。
「嗯，咁就好。你地三個一齊入宮，而你係貴人，位份比佢地高，有咩事自然要多照顧兩位妹妹啊。」
「係。」
「本宮同三位姐姐都係從王府就服侍皇上嘅老舊人，你地如果遇到咩問題都可以向本宮同一眾姊妹請教啊。」
「係。」三位同聲道。
「的確係有幾分姿色嘅，不過可唔可以服侍得皇上體貼又另一回事啦。」怡嬪道。
「咁就要勞煩妹妹你多多提點喇。」皇后說。
「皮膚咁黑嘅，平時耕開田㗎？做唔慣答應就出聲喇。」
怡嬪看著詠棋，口中的利刀直接迎向她。詠棋氣得臉部通紅，以她平常的性格肯定也不會客氣，可惜小小答應，又怎能對嬪位不敬呢？
委屈的她，怒氣化成了淚水，眼眶乏淚。
現場氣氛一片尷尬，此時怡嬪站起身來。
「皇后娘娘，霖貴人仲病緊，臣妾就先回宮照顧佢喇。」
「好，去啦。」
「謝皇后娘娘。」
怡嬪離開後，皇后娘娘就安撫著三位新丁們。
「怡嬪嘅性格就係咁樣㗎喇，大家唔好上心，第一次見面難免唔慣。」皇后尷尬地笑笑說。
「係。」幸如、翠珊、詠棋齊聲道。
「今日就咁啦，大家都散啦，瑋妃你留低，本宮有嘢要同你講。」
「係。」瑋妃點頭說。
就這樣，大家就散了，唯獨皇后和瑋妃坐著説話。
「唉！你睇吓怡嬪，把口真係唔識收嘅。」
「冇辦法啦，娘娘都知佢對新人唔會客氣啦。」
「如今佢阿瑪喺朝廷係大功臣，皇上重視有加，以怡嬪嘅性格，我怕往後只會惹埋更多事端啊......」
「臣妾無能。」瑋妃低著頭説。
此時，皇后握著瑋妃的雙手，神色凝重的說：「如今太后病緊，我地唔可以再為佢添麻煩。本宮無能，你係佢嘅好姊妹，佢原本又係你宮𥚃面嘅人，你要多為本宮留意同提點下佢啊。」
「臣妾唯有盡力而為。」瑋妃勉為其難地説。
「咁就好，咁就好。你回宮休息啦。」
「謝皇后娘娘。」
皇后這刻安心了，她全然相信瑋妃的能力，能夠壓著漸漸不安份的怡嬪，維持整個後宮的安寧。
————————————
「唔好唔開心啦棋棋。」翠珊安慰著哭泣的詠棋，並從身上拿出手帕幫詠棋擦眼淚。
「個怡嬪真係不知所謂！」幸如亦為詠棋感到氣憤，雙手叉腰。
「其實我更委屈，竟然皇后娘娘見住一個嬪位蝦一個新人都唔出聲幫我囉。」
「唉！」幸如表示同情，但只能嘆氣身為一個答應實在愛莫能助。
「咁無能，都唔知點做皇后。」
此話一出，翠珊和幸如心更慌，立刻看看四周，幸好發現整條路上只有她們和身邊的奴婢，才鬆一口氣。
「你傻咗啊？你咁樣議論皇后係大不敬啊！」詠棋言語實在有失分寸，翠珊忍不住責備起來。
「下，事實啫。唔講，我翻去先喇。」
一句道別都沒有，詠棋就轉身回去回春堂了。
「其實佢應該對你行禮......」幸如小聲地說。
「唉，唔緊要啦。不過我真係好驚佢咁嘅性格遲早出事。」
————————————
「皇上，係時候要翻牌仔喇。」智琛公公把一整盤嬪妃的名牌端到皇上面前。
皇上放下手中的書籍，看了看，多了幾個名牌，是蘇貴人、許答應和羅答應。
「宮中人人都話，有一位新入宮嘅答應皮膚黑如奶茶𥚃面嘅珍珠，係邊個啊。」
「啊.......回皇上，應該係回春堂嘅羅答應。」
「好！朕已經睇厭哂宮𥚃面雪白嘅景象喇，一於就去回春堂。」
「喳。擺駕回春堂～」
琛公公清脆嘹亮的聲音，響遍整個養心殿。也意味著新一屆宮鬥比賽正式開始。