黑魔后: 黑魔后

男人垂頭喪氣的收拾着個人物品，旁邊還有幾個保安人員在監督着，以防他突然發難。他是這次鬥爭裡的失敗者，敗給了那個他心𥚃暗暗傾慕的女人。

收拾好細軟，男人深深的看了一眼女人的方向，她仍是身穿黑色套裝，盤起長髮，帶著眼鏡，目光冷洌，一副苛刻且不近人情的樣子。然而他卻在無意之中窺見過她和朋友相處的另一面，那飄逸的長髮，精緻的五官，清麗脫俗的笑容，深深吸引著他。所以他才那麼努力，希望可以在事業上勝過她，也許她就願意正視自己，甚至... 有那麼一絲機會... 可惜，還是失敗了。男人苦笑着，黯然離去。

Ann：「你估黑魔后會唔會直接睇埋Marketing？定係GM Roger會再搵個白武士返嚟？」
Beatrice：「唔會啩，聽講黑魔后以前係做Shop出身，同Marketing大纜都扯唔埋啦！」
Cathy：「話唔埋㗎！佢已經前前後後KO咗四個白武士，最耐嗰個都係做咗一年唔夠就走咗，而家成行都知我哋公司嘅Marketing Director要夾黑魔后，仲邊有人夠膽過嚟做吖！如果一直請唔到人，Roger俾佢睇埋Marketing都唔奇。」
Joe：「喂，你哋講人是非就細聲啲啦，俾佢聽到你哋有十條命都唔夠死呀！」