不如我們分開一年，好嗎？: 第十六章

「做緊咩？」我剛剛吃完晚飯，詠琳又傳了一幅snap給我。

我拍下了一碗木瓜湯。「飲緊湯，好好味」

「你鍾意木瓜？」

「係呀」

我們就是這樣，經常互相分享生活中的瑣碎無聊事。終於，在她的名字旁，我看見了一個黃色心心。



「同你儲到心喇！」她截了圖給我。

「係呀」我也截了圖給她。

而終於，也來到這一日了。

「生日快樂！為咗等你今晚期待下我，我朝早唔會同你一齊搭巴士喇，今晚見啦拜拜！」剛剛踏進我的生日，詠琳就給了個語音訊息我。

「多謝！今晚見啦！」



其實在我生日的早上見不到詠琳，這讓我有點失望的。但不要緊吧，今晚應該會是我人生的轉捩點。

我決定在今晚表白。

回到學校……

「你今晚表白？」文謙聽到我的決定，頗為詫異。

「係呀……」



「呃……係咁祝你成功啦！」文謙好像有點猶豫地說。

「點解咁唔肯定嘅？」

「無……有啲嘢講到口邊先發覺唔係太適合講啫。不過我相信你冇問題嘅！今晚等你好消息！」

等待真的很漫長，我光是想像今晚的情況，已經坐立不安，心臟都好像要跳出來。

說起來，詠琳還未告訴我今晚去哪裏吃飯呢……

「今晚六點半，喺樓下間7-11等啦！」她終於通知我了。

而我5時30分已經開始為自己打扮，襯衣試了一件又一件。我好像從來也沒有這麼認真整理自己的造型。

然後，我好像要上戰場一般走到樓下。



詠琳很快就出現了。

「去食飯囉！」

她今天化了個淡妝，使本來已經可愛迷人的她變得更美。

我們最終去了中環的一間高級餐廳吃飯。這間餐廳的高級程度，是使我走進去就感到渾身不自在，一舉一動也彷彿要符合最高級的禮儀，不可輕舉妄動；反而詠琳好像很習慣似的。

「你成日嚟架？」我聲如蚊蚋地問她。

她輕輕地笑了一下。「其實你唔使咁拘緊喎，你只係嚟食飯啫，又唔係要嚟開人大會議。」

我嘗試放鬆，但是我放鬆不了。為了掩飾自己的情緒，我打開餐牌……



牛扒一塊要七百多元、螃蟹4位數字……最便宜的沙律也要百多元。

我睜大雙眼看著詠琳。「好貴……」

「我知呀。」她輕描淡寫地回答。

「係咁你仲帶我嚟呢度食？」

「你真係唔使咁擔心喎，我帶夠錢嚟㗎，唔使你留低洗碗。」詠琳笑說。

我一直也沒猜到詠琳是這麼富有的。但這樣的話，我這個出身寒微的普通男孩要追求她……

我感到面前有一條鴻溝。

我用力搜尋著整個餐牌最便宜但能讓我充飢的食物，怎料詠琳問也沒有問我，便揚手示意店員落單。



「你食唔食鵝肝㗎？」店員差不多走到來她才問我。

我點了點頭，然後她便落單了。

「你嗌咗啲咩……？」我疑惑地問。

「套餐囉，呢度嘅鵝肝好好食架，所以我幫你揀咗鵝肝做主菜。」

救命，那個套餐一個人接近二千元……

「真係好貴好貴……做乜要咁破費？」我惆悵地說，因為未吃我已經覺得虧欠了她很多。

「一年先一次，無所謂啦！況且你食完之後，就會明白點解要咁貴架喇！」她的從容和我的緊張形成了鮮明的對比。



「我覺得好似爭咗你好多咁……」

「你覺得爭咗我好多？係咁……」詠琳頓了一頓，再說:「你之後要好好咁對我喇！」