《你信唔信，真係有前世今生》: 2.11

回到家裡，就看見Ken坐在梳化上看著電視。

「終於翻喇，今日咁夜嘅？」他繼續看著電視熒幕。

「係，約左人食飯。」我脫鞋子，然後走到梳化旁。

「又係宿舍三人組？」

「你又知？」





「你來來去去都係嗰啲朋友啦，咁容易估。」他翹著一條腿，一手拿著電視遙控，然後把電視關上。

「更何況，你都冇男朋友。」他站起來，然後轉過頭直視我的雙眼。

我迴避他的眼神，然後生氣的說：「你又知我冇？唔通我有一打男人我又要同你講嘅。」

「睇你個樣，有男朋友會公諸於世啦，慌死人唔知。」他輕佻的笑著，然後拍了兩下我的肩。

「喂啊，你笑咩姐。你咪又係冇女！」我用拳頭打了他的手臂一下。





「你又知我冇？」他隨意拋下一句。

「你有就唔會問我幾時翻屋企啦。」我說。

他沒有說下去，然後轉身走向房間。
那是一個平常的週末，我大概一點鐘起來，然後發現客廳裡只有Johnson坐著。

「早啊，得你嘅？Karrie呢？」我一邊揉著眼睛一邊說。

「佢一早話要翻屋企幫屋企人搞少少野，話自己搞得掂。」Johnson一副悠閒的樣子在客廳打機。





「哦，咁啊Ken呢？」

「啊Ken約左朋友出去影相，都係好早出左門口。我都係啱啱起身冇耐見佢起group度講咋。」

「原來係咁，你餓唔餓？我地不如叫外賣？」我的肚子開始打鼓。

「好。」

這個假日很罕有，家裡只剩下我和Johnson。

他吃著自己的飯盒，而我也是，就像飲茶搭檯的陌生人般。明明大家同住一屋，這樣兩個人吃飯卻是第一次。

「係呢，你識左Ken幾耐？」或許他也覺得這個氣氛太奇怪，於是打開話題。





「嚴格黎講就三年幾，由Year 1做補習社開始識。不過唔算好多交流，真正開始熟都係近呢一年嘅事。你呢？」回想當初我們只是同事，現在卻成了朝夕相對的人。

「我同佢係hall mate，Year 1 Ocamp識，呢四年日見夜見。」

「啊Ken有冇女朋友，好似冇聽佢提起？」我好奇一問。
「乜佢冇同你講過咩？佢上一條女拍左三年拖，大概係year2散嘅。後來追過一個女仔，Hall mate黎，但係表白失敗左。後尾都有啲其他女仔對佢有意思，不過佢都好決絕咁迴避曬。據我所知，之後都冇女朋友。」

我繼續追問：「以佢平時起宿舍咁多姿多彩，應該好容易溝到女。定係佢唔想拍拖淨係想玩？」

「又真係冇，一大班人嗰啲Hall活動佢就成日join，但係好少單獨約女仔出街。所以，嗰陣佢話有個女仔朋友想一齊搬出去住，問我有冇興趣，我都有啲驚訝。」

「哦，我諗都係咁啱大家都要搵地方住姐。」

「唔......係嘅，咁啱你要搵地方，咁啱佢又搬出黎，又咁啱佢搵到......」他言下之意好像說這一切不是巧合。仔細想想，這一切又好像來得太巧合。





「所以？」我托著頭思考著。

「冇野喇都係......」Johnson欲言又止。

「真係冇野？ 你係咪知道啲咩？」

「可能係我諗多左啦，你就當我冇講過啦。」他說。

我想，我應該找個時機問Ken到底是什麼一回事。