眼前呢隻似十足男性生殖器嘅方舟，世上真係冇一個建築物大得過佢，簡直可以用嘆為觀止嚟形容。我一邊欣賞佢嘅雄偉，一邊概嘆自己嘅渺小。當我喺唔知頭唔知路嘅情況下同夏娃進入呢隻咁古怪嘅太空船之後，成件事當堂嚇我一跳。原來入面似十足一個動植物公園，有馬騮、猩猩、河馬、獅子、仙人掌、蘭花等等，數目同品種多到數唔清，空氣中仲隱隱帶有一陣動物嘅排泄物味道添。我哋兩個一路行，夏娃一路向我介紹佢哋D外星技術有幾咁巴閉，但無論佢講到點勁，試問一個好地地被佢哋捉返嚟做人質嘅我，又點會聽得入耳？事關我仲好掛住屋企人，而且一時間阿媽同阿妹亦好難接受我離開佢哋。就喺夏娃講完一輪野之後，佢好似知我唔HAPPY咁，一隻手輕輕翹住我，等我個心安定落嚟，而就喺嗰一刻，我發現自己變返做一個真男人..........
同佢行咗一陣，忽然間，喺遠處有兩個木口木面嘅人向我走近過嚟。咦，點解呢兩位哥仔姐仔有衫著咁好嘅？
「佢哋係負責方舟操作嘅另外兩位潛伏者，依家佢哋著緊件衫可以出入太空。其實平時我哋嚮方舟入面做野又或者喺自己母星見面都習慣咗裸體，呢個係我哋嘅習慣，所以一陣見面你唔駛驚。」
「天造地設，我帶咗一個地球朋友嚟，佢會同我哋一齊出發去行星Y851，等我介紹，呢位係阿當。」當夏娃同佢自己友介紹完我之後，跟住再向我介紹佢哋：「阿當，佢兩個係負責方舟計劃嘅另外兩位潛伏者，男嘅叫日光，女嘅叫月闇。」
眼前呢兩個名字古怪嘅男女，男嘅似鬼佬雷神，女嘅留有一頭清湯掛麵髮型，個樣似十足戲入面做日本女殺手嘅上戶彩，佢哋除咗著住件閃令令銀色貼身太空衣之外，見到人連笑容都冇，全程木口木面，簡直就好似冇感情嘅機械人一樣。唔知點解，我對透視眼嘅注意力硬係集中嚮呢個上戶彩身上，事關佢擁有一副勁到爆裂嘅好身材，一對警鐘胸十足愛美神飛彈咁對住我，令我不期然向佢行升旗禮致敬。而就喺呢一刻，我發現上戶彩對眼係咁𥄫實我條Ｊ，好似前世未見過男人咁，搞到我鬼咁唔好意思要收埋添。
「呢個地球男仔嘅體質好弱下，去到系外行星相信捱唔到十年就玩完。仲有，以佢條性器官嘅長度同大小粗幼嚟講，由佢嘅精子交配所生產出嚟嘅後代體質同能力值都唔會高。」點知上戶彩突然噏咗句對我嚟講好侮辱性嘅說話。