［科幻有甜］《一場末日危機，令患上中二病的我變成救世者》18+: 第十二章：生死交戰

我從未殺過人，亦唔會去傷人，但係今次如果我保唔住自己條J嘅話，莫講話我冇命，就連我同夏娃都會一齊死！正因為咁，我搏晒命咁將自己嘅潛能發揮到極限。結果，隨住上戶彩一聲慘叫，成碌鐵支隊晒入佢個西度，令佢變咗做一隻人形吊燒雞！嚮生死關頭執返條J嘅我，自問係一個愛好和平嘅人，如果個變態女人唔係下下去到咁盡，要斷人子孫根令人生不如死嘅話，我都唔會出手咁狠。

大量唔知係血定尿嘅紅色液體不斷喺上戶彩雙腿之間流出嚟，我見佢不斷抽筋，又反晒白眼咁，我好驚，一時間唔知點算好。就喺呢個時候，醒返嘅夏娃突然衝向上戶彩，仲將一支針筒打入對方條頸。
「妳係咪想同佢急救？」我問夏娃。我真係驚我會錯手殺咗人，雖然對方唔係地球人。
「我要喺佢斷氣前終止佢嘅腦部活動，防止佢復活後重啟意識同步！」點知夏娃嘅答案嚇我一跳。
搞邊科？復活？唔通佢係喪屍？定我睇緊鬼片呀？
「我估有人偷偷地幫日光同月闇，將佢哋嘅資料做咗備份，並且傳送咗去地球上屬於潛伏者專用嘅生物打印機網絡。當佢哋嘅肉身喺方舟號被消滅之後，月闇嘅靈魂就利用黑客入侵程式追蹤我同你嘅靈魂嚟到呢度，然後利用同一台後備生物打印機復原佢嘅身體同意識。」夏娃邊講邊帶我去睇工場入面嘅生物打印機，與其話係一部機，其實係一個巨型浴池，足足成個人咁深，入面裝滿咗淺藍色嘅藥水，浴池入面舖設咗好多個大小唔同嘅噴頭。

突然有陣怪味傳來，係啲藥水嗰陣味，就同我身上聞到嘅味一模一樣，腥腥地咁。諗真啲，原來我同夏娃都係由呢部機器啤出嚟！OMG！
「阿當過嚟！」突然夏娃叫我。「幫手回收月闇！」只見佢兩隻手揪住上戶彩兩邊腋下，然後將對方拉到我身邊，地下仲留有一大條血跡。