《我的MK妹同桌》第二季: 8

唔洗問，一路上一定吸死仔，只不過我反而好enjoy呢種眼光，為溝到呀詩而自豪。
 
而子晴我以為佢會行開保守嘅路線，但點知⋯⋯一望真係嚇親我。
 
最估唔到嘅係，呀詩比我仲驚訝，率先開口嘅係佢。
 
「哇！哇哇哇！！不得了，晴⋯晴晴你⋯⋯」
 
「咩啊？」真心問，好肯定。
 


「你⋯收收埋埋？？？」
 
「估唔到你身材咁好喎！平時校服著開啲鬆身衫，真係走漏眼，好有料喎。」
 
我係男仔，唔識咁仔細嘅研究，但我頭先一睇，先發現完全子晴咁大波⋯⋯
 
起碼我知佢大波⋯⋯
 
「哇，蕃薯仔你真係執到寶，前事做得好事多啊你！」
 


子晴怕醜到後退幾步，雙手掩胸，但佢嗰件貼身衫同埋短版牛仔褲，已經遮唔到，平時佢都著得比較中性，較難睇出有咩突變。
 
「邊⋯邊有喎⋯⋯」
 
蕃薯仔又成碌木咁企係度，反而變到唔好意思嘅係我哋。
 
本來清純見稱嘅子晴，忽然間俾我哋感覺變得咁性感，更覺得驚喜，原來佢咁正㗎？真係不得了。
 
果然，落街就好多男仔行過嘅時候，眼神都會不自然咁飄落子晴同呀詩身上。
 


搞咗一輪租到電動車，我再三問蕃薯仔識唔譜揸㗎⋯⋯
 
佢話自己識揸單車，因為民宿個老細話實揸單車就得㗎啦，好簡單，個個都係咁揸，所以佢話ok。