《我的MK妹同桌》第二季: 143

「啊⋯⋯你好似又啱喎！不過我唔啱做搞手㗎啦，同埋我同我哋班上面啲人嘅關係都唔好，我高form嗰三年生活都唔算好精彩，去到後尾都讀書，衝DSE，又無好似呀Ken呢啲人搞下氣氛，我哋班唔會搞到㗎啦⋯⋯你仲有得去班聚就珍惜下啦，遲下唔知有無。」
 
呀詩都講得幾啱，但言語中透露出佢幾想有呢啲聚會嘅，咁每班嘅文化都唔同，無辦法嘅。
 
生活好多時都有呀詩嘅影子，去之前會同佢講聲，活動期間得閒就會sd下whatsapp，感覺佢就係我身邊咁。
 
我哋今次班聚係party room度搞，上次去呀詩大同嘅聚會都係喺party room，呢排都真係好興party room，啲fd影相啊，一定係啲好多人嘅合照，下面一埋tag，清一式嘅長文。
 
排版都差唔多一式一樣咁。
 




諷刺嘅係，我依家都係呢個場合入面。
 
「喂！大家想聽咩歌！」呀Ken係個場度嗌。
 
其實有啲人都幾耐無見，見返嘅時候有些許嘅尷尬。
 
「你哋想聽咩就自己點啦，我唱！」佢一講嘢就實會有人回應，霎時間會變到好熱鬧。
 
「你啊？你就咪唱啦！唱得咁鬼死難聽⋯⋯」
「死啦！胖虎開演唱會啦！」




「我要聽周杰撚！」
 
無幾耐，間房響起一首好熟悉嘅歌聲⋯⋯
 
忘記了 那鐘聲響徹城市
所有淚流過了
能消退就似汐潮
 
「哇⋯⋯呢首好熟，好耐無聽過！記得以前K房必嗌。」有個女仔高呼，佢以前係班度係啲好寂寂無名嘅人，無乜點講嘢，但係依家變得幾out going，打扮都靚咗，而且明顯睇得出有化妝，成個人係自信咗。
 

離去你 遺憾留在千千哩
仍然掛念你 奈何她跟你一起
 
 
女大係可以唔止十八變㗎⋯⋯
 
「係啊，一時間唔記得咩名添！」
 
你勸我開心 天天開心 新戀愛隨時光臨
遙遙萬哩那個人 已有愛人 我卻是個路人
前塵投進河裡 隨潮浪沖洗去再別覓尋
流逝回憶 回望如暮色般遙遠
河畔那鐘聲卻又很近
 
「忘川啊！」有人估到。




 
「係啊！陳僖儀啊嘛，嗰陣時估唔到咁就死咗⋯⋯」
 
「咁快就已經幾年啦屌！」
 
「唔知依家啲00年識唔識呢首歌呢？都唔知識唔識陳僖儀添。」
 
「可能得我哋啲90後識㗎！記得嗰陣去K房實會嗌佢嗰幾首歌嘅，仲有首叫咩話⋯⋯《蜚蜚》！」
 
「我係佢走咗先識佢啲歌，之前真係無乜點留意佢。」
 
一時間我哋因為咁勾返起以前啲回憶，個個都好興奮咁係度講，然後有人亦都跟住唱，熟悉嘅歌聲同旋律充斥住成間party room。
 
「常錯覺～～半空的飛鳥是我～～
想拍翼來看你～～誰知最後跌落河～～」

 
「人已別去 黃葉從異鄉飄過～～回頭你在笑 埋藏眼內那不安～～」
 
無咪嘅都跟住一齊唱。