《我的MK妹同桌》第二季: 225

「點知你喎！聽講男人都好恨中出㗎嘛。」呀詩伸手放係我頭後面，輕輕掃掃我嘅後腦。
 
確實反駁唔到，嗰個爽感仲一路維持緊，好似身處係夢入面嘅感覺。
 
就好似當年啱啱破處嘅狀態一樣。
 
「真係好爽。」我攤軟係呀詩隔離，呀詩滿足咁望住我，隔咗一陣我決定起身幫呀詩清潔一下身體。
 
可能因為激情過後，原本我以為睇得好開嘅感情，剎那間糾纏埋一齊。
 




唔捨得⋯⋯原來自己都仲係好愛眼前呢一個女仔。
 
我知道實有人屌我男人老狗變嚟變去，但係我實在控制唔到自己啲情感，唔係貪圖扑嘢嗰一下嘅快樂⋯⋯
 
而係當快樂過後，你之後就要面臨失去，係更加令人難以接受。
 
我哋渡過好溫馨嘅夜晚，呀詩佢撒嬌咁要我抱佢，仲話要抱佢入沖涼房。
 
我廢盡九牛二虎之力將呀詩公主抱咁抱入去沖涼房，然後兩個人嘻嘻哈哈咁沖涼，呀詩可以開心嘅時候，就唔提啲傷心事。
 




感覺一切都無問題，好似返返去以前，我幫佢擦乾淨個身體，佢又幫我洗頭，兩個人凍到係度呱呱嘈。
 
嗰晚我哋又嚟多劑。
 
我個人好想瞓，然後攬住呀詩，好幸福咁樣瞓著咗。
 
去到一半，我發現自己好似無攬到嘢，睡懵之間，我見到呀詩繼續係度埋頭苦幹。
 
一路以嚟緊佢，都好辛苦。
 




比我更加努力，呢樣我由中學就知。相比之下，我自己真係好廢⋯⋯
 
見到呢一幕，我好想喊，心口一股勁咁想喊，然後眼眶就咁樣濕咗，一路流落個枕頭度。
 
積落嚟嘅情緒一下子爆發曬出嚟，我成個腦都係呀詩。
 
上一次喊嘅感覺同埋係幾時，我已經唔記得，男仔真係唔係咁易會喊。
 
但有時就係因為咁細嘅事，諗起更多嘅傷心事，就破功。
 
呀詩佢無論幾時都用盡全力，愛一個人又係啦，對自己前途又係啦，對佢屋企人啦，就連依家對待自己嘅功課，床上嘅表現⋯⋯
 
到最後攰到半死嘅，都係佢。
 
我心痛咁辛苦嘅佢，卻幫唔到佢啲咩。




 
自己更會諗埋一邊，可能佢需要更加出色嘅男人，佢先會無咁辛苦。
 
Feel到自己個枕頭濕咗一片，個人亦都好攰，睡意慢慢又上嚟，瞓著咗。