是咁的，我同女神做咗鄰居: 28.

「好，跟住選男班長。有冇人想自薦或者想推薦人？」Mr Wong問。

 基本上這個吃力不討好的位置是不會有人想做的。 

過了十秒後仍然冇人舉手， 

「喂，想唔想做？」啊童奸笑著問我。

 「你...你想點啊，唔好啊嗱，冷靜啲。」我害怕地說。 



「哼，冇得你揀。」說罷她便舉起了手並說， 

「我推薦萬浩然做班長。」 

我的那些所謂兄弟見到啊童舉起了手，

 於是又便跟著舉起了手。

 「喂，你地想點啊？」 



「支持你做班長啊。」Marcus興奮地說。

 「好，五票，恭喜萬浩然當選男班長。宜家選女班長，有冇人想自...」 Mr Wong還未說完，

我便已經舉起了手，

 「你想推薦邊個？」Mr Wong問。 

「我要推薦周！樂！童！」我看著啊童說。 



「喂，你唔可以咁樣㗎喎。」啊童著急地說。

 「哼，比你體驗下我頭先既心情。兄弟們，幫我投佢，佢做到既話每人一碗撈麵。」 

他們聽到有撈麵吃後，全部舉手。 

「多謝言哥。」

 「言哥好耶。」

 「言哥英明。」 

「言哥萬歲。」

 「喂你唔可以咁奸矛㗎！」啊童驚慌地說。



 「好，周樂童當選女班長。」Mr Wong說。

 她狠狠地打了我一下， 

「嘩駛唔駛咁大力啊。」我摸著被她打的手臂說。

 「頂你，我唔想做班長啊。」 

「我夠係啦，咪一樣比你推咗出嚟做。己所不欲，勿施於人啊。」我嘆了一口氣說。

 「有請男女班長出嚟講下自己對呢班既期望。」Mr Wong說。 

「起身出去啦。」



我對著仍未接受到成為了女班長這個事實的啊童說。

 「唔要啊！唔要啊！我唔想做女班長啊！」啊童像個小孩子一樣在哭鬧著。

 「嚟啦，冇得你揀啊。」我向她伸出一隻手。 

她狠狠地打了我的手一下，然後自顧自的走了出去。 

「Woo！耍花槍！」魚蛋說。

 「收皮啦，再嘈我記你缺點。」我瞪著他說。 

「好大既官威啊男班長，不過好可惜班長係冇得記缺點㗎。」肥強忍著笑說。

 「你...得，我認輸。」我放棄跟他們繼續爭論下去。



 「唔好顧著吹水啦男班長，出嚟啦。」Mr Wong催促我說。 

「嚟緊，嚟緊。」說罷我便走了出去。 





跪求大家Follow我既IG: MaanYin05