是咁的，我同女神做咗鄰居: 30.

因為今天是開學日，所以十二點半就放學了。 

「叮噹」

 「走得啦yeah。」Marcus興奮地說。

 「周樂童你留一留低，我有啲嘢想同你講。」Mr Wong說。

 「知道。」她回應。





 我們沒有理會她，自顧自的走出了班房。 

「嘩前面搞咩咁多人啊？大特賣啊？」啊正驚訝地問。

 「惠康。」我冷冷地說了句。 

「你up乜春啊，無端端惠咩康啫。」啊正問。

 「聖誕。」魚蛋說。





 我看向魚蛋，我倆相視一眼然後一齊笑了起來。 

「啊屌，屌你啦on9仔。」啊正說。 

「你地講咩惠康又咩特賣啊？」不知何時走到我們身後的啊童問。

 「嘩你幾時係到㗎，你行路冇聲㗎。」我被她突如其來的一句話嚇倒。 

「吓我企咗係到好耐㗎啦喎，你快啲答咗我你地頭先講咩先啦。」啊童催促我說。





 「明就明，唔明就唔明。」魚蛋冷冷地說。 

「冇錯，如果你聽完唔明咁我地都無謂解釋啦。」我說。 

「你又蝦我！」

啊童扁了扁嘴，

又用她那殺得死人的眼神對著我說。 

「佢地唔解釋，我嚟解釋比你聽。」啊正說。

 果然自古以來，英雄難過美人關，

我們最終還是有人屈服於美色底下。 





「都係正哥最好人㗎啫。」

 「有冇聽過一句野叫惠康聖誕大特賣啊。」

啊正對啊童的語氣跟對我們的完全不同。 

「冇喎。」啊童天真的回應。 

「算啦啊正，唔好教壞人地啦。」一直沉默的Marcus突然說。

 「唔得唔得，啊正你快啲講埋落去，我想知啊。」啊童白了Marcus一眼說。 

「唔好後悔喎，你真係要聽？」啊正再三確認。 





「講啦。」 

「你試下將句句子調轉讀一次！」 

「等我諗下先，賣特大誕聖康...」

她還未說完那句句子，她的臉就已經紅了起來。 

「同學做咩唔讀埋落去呀，你仲爭一隻字喎，試下大聲啲讀佢出嚟。」我一本正經地說。

 「食屎啦萬浩然！你地玩我！」她鼓起腮幫子地說。 

「痴線你自己話要聽㗎喎。」我沒好氣地說。

 「我唔理！我唔理！」 





「一唔一齊食野啊？哈...哈哈！」肥強見狀，幫我們轉移話題。

 「食野？好喎！」啊童第一個興奮地回應。 

「真係冇你符，想食咩啊？」我問。 

「我都唔熟呢度，你地係到讀咗兩年，你地揀間好食既帶我去食啦。」 



跪求大家Follow我既IG: MaanYin05