是咁的，我同女神做咗鄰居: 41.

第二天，我五點半便起了床，

希望能在早上回校出門口時，碰到啊童並跟她道歉。

 我快速地進行梳洗工作，草草吃過早餐便孭起書包出門了。 

「喂啊仔，你咁早出門口做咩啊？學校都未開。」煩人的老媽此時又再度登場。

 「哎呀你理...」

我說到一半後想起，我昨天也是因為說了差不多的話而導致啊童現在嬲了我，

 於是我便硬生生把剩下的幾隻字吞下肚，

 「我早啲出去晨運啊。」我臨時說了句自己也不相信的大話。

 「晨運？你又呃我啊？你真係當我傻㗎。」她說。 

「總知我唔係去殺人打劫就得啦。」說罷我便出了門口。





 我關好門後便走了過去啊童家門前坐下，

並拿出課本出來解悶， 

靜心等待啊童的出現。

 看著看著那本沉悶的課本，再加上我今朝實在是太早起床， 

我竟然不知不覺間在走廊中睡著了，

還發了個夢，

 在夢中，我在一個沙灘上，拿著一枝結他，向啊童唱了一首情歌並表白，

 而啊童在眾人的見證下亦接受了我，

成為了我的女朋友，

 但是，好景不常，當晚我便因一些鎖碎事情，

而跟啊童吵了大架，最後啊童更離我而去， 

著急的我不斷叫著啊童的全名，

但啊童卻全不理會，越走越遠。 





「喂！」一把女聲突然大喝。 

「啊童！」我驚醒後下意識說。 

我勉強地張開眼，眼前的卻又是那位煩得要死的清潔工。 

「今次仲唔比我捉到你！想點啊你，一大朝早就瞓係人哋屋企出面。我記得啦！你上次仲貼隻耳仔埋去人哋道門到。哼，遇著我算你唔好彩啦，我身為呢到既清潔工，我係有責任去保護住客既人生以及財產既安全，你仲唔係想當爆呢家人既格？你唔好走啊你，我今次真係會報警㗎。」她在短短幾秒的時間內把話說完。 

「啊姐，我咪講過囉，我住呢度㗎，你唔好再煩我啦，你去做你自己野啦。」

 「你想呃邊個啊？啊姐唔係咁易呃㗎，個保安又係既，咁唔盡責，亂咁放人入嚟都有既。」 

「你係咪痴線㗎，你唔好去做柯南？邊L到會有人著住校服入嚟踩線㗎？」我盡量抑制自己的怒氣說。





 「咩柯咩南啊，改埋晒啲奇奇怪怪既名，我唔理啊，你一係攞證據，一係就等差人嚟。」

 「你要證據丫嘛，得！我攞條鎖匙出嚟開隔離到門比你睇，以後咪L再煩9住晒。」

 我拿出自己的銀包，並從中拿出自己的鎖... 咦... 冇既？

 「屌，唔記得帶鎖匙添。」我拍一拍大腿。 

「呵，仲諗住呃我，唔駛扮野啦，我宜家就報警。」她拿出手機說。 

「等等！」我叫停她。

 「又點啊，我唔係唔會比你賄賂㗎，你死心啦。」 

「我唔L係諗住賄賂你啊On9，我攞鎖匙啊。」

幸好我突然記起我家地毯下長期放著一條鎖匙，以防不時之需。 

我伸手到地毯下摸一摸，

果然找到那條鎖匙，

 我拿出那條鎖匙，並把它插進門鎖中。 

「嗱，插得入㗎，冇呃你。咁你走得啦。」

我胸有成竹說，只是我實在是太低估了她的難纏程度。

 「你咁樣係證明唔到你住係到㗎。」





 「喂大佬，我知個到有條鎖匙喎。」 

「你好彩啫。」 

「喂啊姐啊，你放過我啦好冇。」我崩潰地說。

 「哼，你唔...」 

「咔。」我期待已久，啊童家的大門終於打開了...








跪求大家Follow我既IG: MaanYin05