是咁的，我同女神做咗鄰居: 49.

 過不了多久，教練就已經來了，而球隊其他成員亦陸續抵達，

包括那些來參加選拔的新人，

 我們比教練召集，坐成一圈聽他說話，

而我和毛毛就坐在後排，方便聊天，

反正教練所說的話我們已經在上年及前年聽過了。





 「喂，點解年年都係得咁少人既？」我看著那幾個來選拔的新人問。 

「係咁㗎啦，睇下先，有四個男仔，加兩個女仔...嘩嘩嘩，你睇下，原來我地學校有條咁正既女㗎？我一直都冇發現既。」毛毛指著坐在不遠處的啊童說。

 「啊童丫嘛，佢係我個班，新嚟既插班生，所以你未見過都係正常既。」我說。

 「你咁講啫係你同佢好熟喎。喂，介紹佢比我識丫。」他笑著說。

 「遲啲啦，遲啲介紹。」我說。 





「點解唔宜家介紹啫？」 

「佢呢排心情唔好丫嘛，我宜家介紹佢比你識，分分鐘會憎咗你，遲啲先啦。」

 「你咁講...唔通佢心情唔好係關你事？」 

「世事都比你看透了。」我苦笑著說。

 「發生咩事啫？」 





於是我便由我如何認識啊童，說到我如何惹怒了她，把整件事的起始都告訴毛毛。 

「哦，原來係咁。Easy啦，一陣會分組㗎嘛，你同佢一組咪得囉。」

 「同佢一組之後呢？」 

「死蠢，咁你咪有機會同佢講野囉，順便道個靚歉。」 

「有你講得咁輕鬆我就唔會到宜家到未氹返佢啦。」我嘆了一口氣說。

 「唉呀，咪試下呢個方法囉，可能得呢。」他說。 

「好，宜家分組。」教練終於說完廢話。 

「嚟選拔個啲，我會安排你地跟兩個師兄或者師姐一組，男跟男，女跟女，你地同師兄或者師姐打一陣，熱下身先，我地半個鐘後開始選拔，叫到你名既就自動走出去啲師兄或者師姐到。」 





「係喎，一時唔記得男女唔可以同組添！」毛毛聽完後想起。 

「冇所謂啦。」我說。 

「好，到啊言同毛毛啦，你地都係想入同一組㗎啦，咁以下讀到名既就走過去呢兩位師兄到啦。」

他求其叫了幾個中一的男仔進來我們那一組。

 於是我們便帶著那群新人去到一個場求其嗟波，

 「師兄，一陣選拔有咩貼士啊？」其中一個新生恭敬地問我。

 「哦，冇㗎，你只要識開波就入到㗎啦，所以唔洗擔心，我從來未見過有人比個教練Foul走，唔洗驚。」我輕描淡寫地說。 





「係咪㗎...」他仍然擔心地問。

 「你真係可以放心，見唔見到個到個個肥仔，佢屎波過你都係到生存咗兩年，比啲信心自己，你一定入到，加油，師兄支持你。」毛毛指著在遠處的Donald說。 

「好，我得既我得既。」他自我打氣說。 

雖則我這樣安慰他，

但其實我心底裏也擔心啊童會否比人Foul走，

不能加入羽毛球隊， 

希望啊童真的有她之前口中所說的實力吧。

 半小時後，終於到了選拔的環節， 





教練跟著名單上的名字一個又一個的把人叫出去，

 我們這些老鬼便在旁邊自己嗟波，

等待選拔結束。

 不久後，輪到啊童比叫出去了， 

我聽到教練叫她的名字後立即放下球拍，

走過去觀看。

 評核的方式很簡單，

首先教練會叫你開五球長球，開五球短，測試你的發球能力，

 之後教練就會隨機發球，

只要你能接到教練開出的球然後把球打回去就通過測試。 

最後，教練會安排一個人跟你比賽，從中觀察你的實力。 

「加油啊呢位靚女，我支持你㗎！」一直在球場旁邊觀察選拔的Donald看到啊童後說， 

幸好啊童沒有理會他， 

但為防Donald會以行動騷擾啊童，

所以我默默地走到他的旁邊，監視著他，

 「好，呢位同學，宜家先開短波，清唔清楚？」教練問已經走到場中的啊童。

 「明白！」啊童點了點頭說。 



跪求大家Follow我既IG: MaanYin05