是咁的，我同女神做咗鄰居: 63.

第二天一放學，啊童便強迫我要立即回家溫習，

連籃球也不讓我打， 

「喂呀，比我打一陣波啦，一陣啫。」我看著籃球場說。

 「唔得啊！我地要返去溫書。」啊童拉著我離去。 

「十五分鐘。」





 「唔得。」 

「吓，比我打一陣啦！」我苦苦哀求著她。 

「五分鐘。」啊童比我打動了。

 「咁少...十分鐘啦。」我笑著說。 

「唔好打囉。」啊童卻決斷地說。 





「咁又唔好，我打我打，五分鐘吖嘛。」我立即除下書包走過去球場。

 「喂，我入邊隊。」我問。

 「你入啊正個隊啦。」肥強說。 

「好好好，等我呢個神射手示範點樣贏波。」我充滿自信地走去開波。

 「你千祈唔好射失喎。」肥蛋嘲諷我。 





「睇下點！」

我將球傳給啊正。 

過了好一會，我終於拿到球，

有機會起手了， 

伴隨著「刷」一聲，

我為我隊射入一球三分。

 正當我沾沾自喜，拿回籃球準備開波時， 

啊童卻走了過來。 





「喂萬浩然！五分鐘過咗啦，返去啦。」 

「比我打埋呢球吖！」我玩弄著在我手上的籃球跟她說。

 「唔得！你唔記得你應承過我啲咩呀？」 

「一分鐘。」我舉起食指說。 

「唔得。宜家即刻走。」

「唉好啦好啦。」我將球拋給啊正。 

「走啦我，聽日先再打啦。」我揮揮手說。 





「打得個一陣就走，你不如唔好打。」Marcus說。

 「你估我想㗎？我比人迫咋。」我不忿地說。 

「究竟係邊個連啊言都迫到呢？」肥強問。 

「仲駛問既，咪佢條女囉。」Marcus說。

 「唉唔好提啦。」我對他們說。 

「走得未啊？」啊童叉著腰問我。 

「唉走啦走啦。」我孭起書包跟啊童離去。 

「去唔去食心太軟啊？」我笑著問她。 





「去你個頭，返屋企溫書啊。唔好以為我唔知你諗咩，你肯定係諗住去食心太軟， 然後令到我地少啲溫書既時間。」

 「唔係，咁我諗住...你鍾意食吖嘛。」

比她識穿了我的詭計後，我唯有找另一個藉口。

 「唔食啊！返去溫書。」

 「係呢，你有冇諗過嚟緊想去邊到旅行啊？今日Mr Wong叫我地返去諗下。」

我提起了今天Mr Wong所說的話。

 因為我們學校的旅行日是定在測驗之後，

所以今天在派完所有試卷後，

 Mr Wong便叫我們回家好好想一想旅行日想去那裏， 

而基本上中學生去的地方，不外乎是沙灘或郊野公園。

 「唔...我剩係諗到長州咋，一大班人一齊去長州應該既好玩既。」啊童思考了一會後回應我說。 

「我呢，就諗到去石澳，租幾個爐嚟望住個海燒野食，大家吹下水咁，幾個鐘好快過。」我說。

 「你咁講完之後，我又有啲想去石澳添。唉，如果可以去兩個地方就好啦。」啊童嘆了口氣說。 

「可能到最後我地兩個地方都去唔到呢，佢投票決定㗎嘛。」 

「吓唔會掛，你叫埋班兄弟一齊投，應該會去到其中一個地方掛。」啊童質疑我的想法。

 「都係既，最怕就係佢地唔肯幫我手投㗎啫。」我說。 

「點會啊！」 

「你唔記得上次投班長既時候，我比佢地出賣咩？」我問。 

「我唔理啊！我今年旅行一定要去到石澳或者長州。」啊童說。

 「唉，我盡量叫佢地投啦。」我嘆了一口氣後說。



跪求大家Follow我既IG: MaanYin05