是咁的，我同女神做咗鄰居: 78.

離開了學校之後，我們兩家人就一起回家， 

「其實呢，你地係咪真係拍緊拖？」周叔叔問。

 「係囉係囉，我頭先已經想問。」八掛的老媽問。

 「都話唔係咯，我地真係唔係拍緊拖啊！」啊童即時否認。 

「啊言你講，你地係咪拍緊拖？」周叔叔眼見啊童不肯說，於是便問我。 





「嗱衰仔，我就好開明既，唔反對你拍拖㗎，你誠實答我地。」老媽說。 

「唔係...既。」我略帶猶豫地回答。 

「唔係定未係啊？」周叔叔笑著問。

 「吓...ehh」 

正當我猶豫不決的時候，我看向啊童方向， 





卻看見她正狠狠地瞪著我，

仿佛在叫我別亂說話。 

「唔係。」我回答。

 「係咪㗎？你有猶豫過喎！鍾意我個女咪講囉，我又無所...」周叔叔話未說完，

 「唉呀老豆啊！唔好再問啦。」 





「係啦係啦，唔問啦。」周叔叔說。

 很快我們便到了我們家所在的樓層， 

周叔叔臨進屋前，把我拉到一旁問， 

「老老實實，宜家得我地兩個，你係咪鍾意我個女啫？」他壓低聲量問。 

「唔...」我點了點頭。 

「鍾意就要努力啲追啦，加油啊後生仔。」

他拍一拍我膊頭，然後若有所思地對我說。 

「知道。」我說。 





到了第二天，我們放學後便去了留堂班。

 留堂班會有一位教師助理看守著， 

基本上你無論在留堂班做甚麼他也是

隻眼開，隻眼閉， 

只要你做的事不太過份，他就不會理會。 

你只要去到留堂班時簽到， 

然後就可以隨便選個位置坐下，





 一個小時過後，就可以離去。

 「唉，真係慘，要比人罰去成個星期留堂班。」我說。 

「如果個日，你唔係拉住我跑走㗎話，我地就唔洗全個星期都嚟留堂班啦。」啊童說。 

「咁你覺得個驚喜值唔值得你去一個星期留堂班吖？」 

「值既...」

 「咁咪得囉。」 

「不過嚟都冇壞既，咪係到溫書囉。仲好添，唔駛辛苦我收埋你部電話，你又可以專心啲咁溫書。」啊童說。

 「痴線，係呢度溫都唔舒服，係屋企就唔同，可以著住屋企既衫溫。」我說。 





「咁我係你屋企咪一樣係著住校服！你仲好講。」 

「又好似係喎，哈，咁冇野啦。」我說。

 「快啲溫書啦，得返唔夠一個月咋。」

 「仲有成個聖誕假溫，驚咩吖。」我淡定地說。 

「你係咪成個聖誕假都溫書先？」啊童問。 

「咁又唔係。」

一想起整個假期，由朝到晚都要我乖乖坐在書桌前溫習，我就感到害怕。 





「咁你宜家仲唔認真啲溫書？」

 「得得得，即刻溫。」我立即拿出課本，開始溫書。



跪求大家Follow我既IG: MaanYin05