是咁的，我同女神做咗鄰居: 90.

「呼，條友仲煩過Donald。」我說。

 「唔好睇少呢個人，佢唔此煩過Donald，佢仲癲過Donald好多。」啊童說。

 「係呢，你頭先都未講完佢地點樣欺凌你。」

 「唉，宜家此諗返起都覺得個段時光慘啊，好彩之後我下定決心轉校，再遇上你地，我先可以有機會真真正正咁享受一下校園生活。」啊童嘆了口氣說。 

「個陣時啊，佢地夾埋杯葛我，永遠冇人同我一齊玩，做咩都係自己一個。」 





「但係你一開始啱啱入呢間學校既時候冇識到朋友㗎咩？」我打斷她問。 

「原本有㗎，跟住佢為咗唔比人杯葛，所以就冇咩再點理我啦。」 

「啫係你呢兩年嚟長期都係自己一個？」我問。 

「自己一個都算啦，習慣下就得啦，最過份係佢地會一齊整蠱我，仲會係咁同老師講我壞話，搞到啲老師對我印象好差。」啊童說。

 「咁你真係好彩轉到過嚟我地學校，識到我地。」我說。 





「係㗎，仲多咗個人追我添。」啊童看著我說。 

「你隨時都可以令個個人唔再追你㗎。」我說。 

「我又唔想喎。」啊童說。 

「你要我點你先肯接受我啫。」我問。

 「呢啲野，自己諗下啦，唔同你講啊！同你講咗有意思咩？」啊童說。





 「小姐啊，我諗咗好耐。」

 「幾耐啊？」 

「由第一眼見到你開始我就係到諗緊啦。」 

「咁你諗多一陣先啦。」 

「我好蠢㗎咋，諗唔到啊，你話我知啦。」我說。 

「哼，諗唔到就唔好追我囉。我唔想要個咁蠢既男朋友啊。」啊童說。

 「人蠢係天生㗎嘛，唉，追你真係辛苦，命都短幾年啊。」

 啊童反了反白眼。





 回到家後，我們便繼續痛苦的溫習旅程。

 「喂，不如我地一齊打下機啦，放鬆下吖嘛。」溫了將近兩小時的我說。 

「我都唔鍾意打你平時打個啲機。」啊童說。

 「唔係啊，我最近呢，下載咗個幾好玩既遊戲啊，但係就要兩個人先打到既，咁唔知你有冇興趣呢？」我問。

 「咩Game啊，神神秘秘咁。」 

「根據Google Translate，佢中文名係煮過頭。」 

「吓，咩叫煮過頭啊？冇聽過呢個遊戲喎。」啊童說。





 「好玩㗎，信我啦，收埋啲書，玩一陣，之後先再溫啦。」我說。 

「玩廿分鐘咋，陣間我叫停就要繼續溫㗎啦。」

啊童把書本拿開，騰出空間。 

「得啦得啦。」

我聽到她肯玩時心裏大喜，

立即開電腦，然後點選Overcook。 

「咦！原來係Overcook，好啊好啊，我想玩好耐㗎啦。」啊童一見到Overcook的主頁就興奮地說。 

「都話你實鍾意㗎啦。」我說。 





於是我便跟啊童，一人控制鍵盤的一邊，

去玩Overcook。 

「快啲啦快啲啦，水滾啦。」啊童一臉認真地說。

 反之我則在拿著滅火筒悠哉悠哉地，

在廚房中四處搗亂，

完全不打算理會已沸騰的番茄湯。


跪求大家Follow我既IG: MaanYin05