是咁的，我同女神做咗鄰居: 92.

我走進廚房後，從雪櫃中拿出所需要用的材料，

 並開始製作啊童點了的滑蛋豬排飯，這個飯我由小五小六就已經懂得整， 

並不困難，(個人認為)整個飯的精華在於那塊滑蛋，不能過生不能過熟， 

這個飯我已經煮了數十次，從未失手， 

唯獨上次顧著跟啊童說話而一時忘記了時間， 令到煎Pan上的蛋全都燶掉，

我一世英明，最終竟然敗在一個女人身上，

 難怪別人常說，自古英雄難過美人關。

 唉屌，我又講遠咗。 

我純熟地完成打蛋，洗米，為豬排落調味料等等步驟。

 這時，啊童神不知鬼不覺地偷偷走了進來，





 「嘩！」她在我耳邊大叫一聲，

 把不知道她進了來的我嚇了個半死，彈了一彈，

 啊童看到我的反應後咯咯大笑。

 「嚇死我啦，你知唔知我唔嚇得㗎？」我對著還在放懷大笑的啊童說。 

「睇得出睇得出，有人比我嚇到成個彈起咗。」啊童奸笑著說。





 「我咁好心幫你整野食，但係就比你嚇返轉頭，你有冇良心㗎？」

 「冇喎。我入嚟呢，就係諗住睇下你得未既，咁既然你整咗咁耐都未整好，緊係要接受啲懲罰㗎啦。」啊童說。

 「好快整好㗎啦，都要比少少時間㗎嘛，叮噹咩？」我說。 

過了良久，一直在看著我煮飯的啊童突然開口，

 「喂。」啊童說。 

「咩呀。」正忙於調製調味料的我問。 

「上次呢，你煮飯既時候咪唱K歌之王既。」

 「係吖。咁點吖。」 





「我宜家又悶悶地，不如你唱下歌比我聽吖。」啊童說。

 「嘩，你真係當我係你啊四㗎喎，又叫我煮滑蛋豬排飯比你食，又叫我唱歌比你聽。」我說。 

「係咪有咩唔滿意吖？唔好追我囉~」啊童說。 

「唉，睇嚟我都冇得拒絕既餘地啦，K歌之王係咪啊，聽歌啦。」我清一清嗓子後說。 

「好耶！」啊童興奮地說。

 於是我便開始唱K歌之王，

 當我唱到「我只想跟你未來浸在愛河」時，我刻意停下來，對著啊童唱出這一句，





 而啊童亦配合下一句歌詞，打了個呵欠。 

我忍著笑意，唱完最後一句後，

啊童便盡了她作為聽眾的責任， 熱烈鼓掌。 

「好好聽啊！！！」啊童說。

 「誇張，等多幾分鐘啦，有得食㗎啦。」我說。

 「Encore！Encore！Encore！」啊童一邊拍著掌一邊興奮地叫到。 

「唉，你想聽咩啊咁？」我問。 

「隨你決定，總之你一日未整好，你一日都要唱歌比我聽。」啊童說。 





無奈之下，我唯有開始不斷唱歌，

直到我終於煮好滑蛋豬排飯。 

「今次啲蛋冇燶，應該唔會難食㗎啦，你試下啦。」我說。

 啊童未待我說完，便已經拿起了餐具開始進食。 

「唔...實在係...好好味啊！！！」啊童合上雙眼說。

 她秒速就把整碗飯吃完， 

「喂...慢慢食啊。」我說。





 「吓，咩啊？我食完啦喎。」剛吃完最後一口的啊童看著我說。

 我看著自己那碗滿滿的飯，再看一看啊童空空如也的碗，

 笑著搖了搖頭。 

「夠唔夠啊咁。」我問。

 「飽啦。」 

「唔。」我點了點頭。






跪求大家Follow我既IG: MaanYin05