是咁的，我同女神做咗鄰居: 106.

合照了一張後，我便重新回到自己的座位坐下，

卻給我看到坐在我前方的啊童又在扁嘴。 

「做咩又扁嘴啊？仲唔滿意啊？」我壓低聲量問啊童。

 「唔係啊。」 

「唔係唔滿意咁你又扁嘴？」我問。 





「我戥你唔抵啫，明明你應該係可以攞到冠軍㗎嘛，宜家你得個亞軍，你唱得咁好...無理由㗎！」啊童說。

 聽到啊童為了這個原因而扁嘴的我忍俊不禁，輕輕一笑，

 但心底裏其實窩心得很。

 「笑咩啫你，人地因為你攞唔到冠軍而唔開心，你就走去笑人地。」

啊童趁老師不為意，快速轉身打了我一下。 





「唔係啊，我唔係笑你啊，我係因為開心而笑咋。」我隨便說了個謊話。

 「哼，你當我傻㗎咩，唔理你呀！」她說。 

「吓..又唔理我。」 

頒完獎後，我們便分班回到自己的班房，進行由班會設計的遊戲。

 回到班房後，我們便開始玩遊戲， 





我比三秒時間你地估下我地會玩咩遊戲，

 三 

二 

一 

狼人殺啊你老味，

我玩L咗兩年啦！

 唉不過算，同班Frd玩，

玩咩都好玩既。





 班會叫我地自己分組玩喎，

咁我地咪又係埋一組囉。 

頭幾鋪都冇咩好講，

不過去到最後個鋪就精采啦，值得我係到講下。

 (因為我地得七個人，所以會有兩個狼人，一個預言家，同埋守衛。) 

話說我就抽中咗做狼人啦，而另一位狼人就係Suki。

 第一晚。





 「天黑請閉眼。」主持人說。 

「狼人開眼。」 我跟Suki對望著，

然後我指一指最多疑的Marcus，

Suki見到後就點一點頭。 

到天光時，主持人就宣佈Marcus已死這一消息。

 這時，在我身旁的啊童突然開口悄悄地對我說。

 「喂啊言，我係守衛啊，你係咩啊？」她問。 

「我？我係預言家囉。」我說。 





「唔好呃我啊。」 

「得啦，你記得之後每晚都救我喎。」我說。 

「得啦。」

 到了第二晚， Suki用手指了指啊童，

我卻搖了搖頭， 並隨便指了指啊正。

 失去了守衛保護的村民們，自然很輕易就比我們殺死了。

 第二朝，真正的預言家開腔了。





 「我已經搵到邊個係狼人啦。」身為預言家的魚蛋說。

 「係萬浩然！」他繼續說。 

「痴線點會係我啊？」我說。 

「係囉，明明佢先係預言家。」深信不疑的啊童幫我。 

「我好肯定，你就係狼人！」魚蛋說。

 「得你一個好肯定啊？我話俾你地知，我琴晚用自己既能力Check到，我宜家百份百肯定Suki係狼人！」我說。

 為求自保，我迫不得已出賣了Suki。 

Suki聽到後滿面驚愕，因為她沒有想過我會出賣她。

 「你好肯定係一個平民，又或者是狼人，為求自保先至走出嚟話自己係預言家！」我死咬著他不放說。

 「你都痴線㗎，大家唔駛理佢，我地投死佢就啱㗎啦。」魚蛋不放棄，繼續追擊我。

 「你地自己小心啲啦，投我你地就會少咗個預言家幫手㗎啦。」我說。 

「嗱一係咁，頭先啊言話Suki係狼人吖嘛，咁不如我地投死咗Suki先。」啊童說。 

「好啊！我支持。」

看到啊童幫我，我當然不理三七二十一都要附和她。 

「喂...我...我唔係狼人啊，唔好投我啊。」Suki這時開口自辯。

 「你睇下你，聲都震埋，同埋啊，如果你唔係狼人既話，驚咩比我地投死啫。」我說。

 結果，她便在我這個反骨仔的加持底下，比眾人投死了。







跪求大家Follow我既IG: MaanYin05
2021DSEer 加油！