是咁的，我同女神做咗鄰居: 130.

要來的始終要來，學校鐘聲響起，就代表是時候收到第一份卷了，

 中史卷。 

我們的中史老師貫徹著她的生活理念-慢活一生 ，

遲了五分鐘才從教員室中，

不慌不忙地走過來。





 「好，各位同學，我地今日就會對卷既，咁宜家就先會派咗問題紙先，講晒成份卷之後先會派你地份卷既。」

 「嘖，快L趣啦垃圾，我剩係想知成績咋仆街。」看來不只得我一人對這個政策不滿，連Suki也抱怨著。

 「好，同學我地嚟睇第一題...」

 她就用了整整一堂半的時間，自顧自地講解著試卷，

卻沒為意到， 班上有認真聽她說話的，

就只有寥寥數人。 

終於，到了派卷的時間，

 由於我的學號較大，所以我會排在眾人之後，

 我戰戰兢兢地走出去， 究竟我會第一科就失敗了，

抑還是成功了十分一呢？(我要讀十科)





 「唔該。」我從老師手上接過卷來。 

「三...二...一...打開！」我心中默念。

 「Yes！六十三分！」我興奮地大叫。 

好像這次是我人生第一次中史合格，

所以我在得知成績後特別高興。

 我的兄弟們大都徘徊在四十至五十分之間，

亦代表我是五人之中最高分的一人。 

「唉，份卷咁易都咁低分，你地真係失敗。望下我~輕鬆，亂寫啲野都有六十幾。」我自滿地向他們炫耀著自己的分數。 





「收嗲啦。」換來的卻是魚蛋冷冷的一句。 

「啊童，你幾多分啊？」自視過高的我打算跟啊童比拼一下分數。 

「唉，唔好提啦，好差啊。」啊童苦惱地說。

 「有幾差啊？最多咪低分過我。」

「得七十五分咋我，原本諗住上八成㗎嘛...」 

她說完這句後，我才明白到自己跟啊童這位學霸的距離，

 原本我心中的「非常好」，只是她心中的「很差」。





 「...」我啞口無言。

 「算啦，你同啊童都唔係同一個Level既人，你要比就同我比，大家成績差唔多先好玩㗎嘛，我今次就高你一分，嘻嘻。」Suki說。 

「食屎啦你，咁都高我一分。」

 「高你一分就要食屎，咁啊童咪好唔得閒！」

 「喂，你講還講做咩要拉埋啊童入嚟講啫，我頭先句食屎啦，係針對你，剩係針對你咋！」

 「你兩個可唔可以唔好為咗咁少事係度嘈喧巴閉啊，好無聊啊你兩個。」啊童為我們打完場。 

「算，我大人有大量，唔同你嘈啦。」我對Suki說。

 「駛乜你大人有大量啫，收皮啦你。」 





「喂！」啊童再次喝住我們兩個。 

之後那幾堂，每堂都有派卷，

雖然每次派卷之前都令我膽顫心驚， 

但幸好總算有驚無險，目前為止所有科目都合格。



痴線我想知呢幾人日啲Click rate係咩事，一飛衝天咗，
係唔係因為我放咗上連登，搞到好多人過咗嚟睇(笑
跪求大家Follow我既IG: MaanYin05