是咁的，我同女神做咗鄰居: 132.

「Wuuuu，啊童有咩表示先~」Suki在一旁加把口說。 

「咩事咩事！」啊正問，連帶兄弟們也加入了討論。

 於是Suki便向他們解釋了一遍。 

「哦！咁即係有人要請我地食出Pool飯啦喎。」Marcus說。

 「係咪想食出Pool飯啊？我都想請你食吖，可惜啊童都宜家都未有任何回應啊。」我說。





 大家的目光又再重新落在啊童身上。

 「咩...咩喎，咁至少都嚟個有啲誠意既表白先得㗎...」啊童紅著臉，急忙說。 

「唓~」我們眾人聽到她這樣說後，不約而同地說了聲。 

「唉，即係又要諗點表白...」我說。

 「喂萬浩然，溝女係咁㗎啦，男人老狗成日係到唉聲嘆氣，煩唔煩啲啊你？」Suki說。





 「你點會明...唔係喎，之前話咩識咗個靚仔㗎喎。喂唔好講我住，你同個靚仔發展成點先。」 

「係囉係囉，我都想知喎。」啊童說。 

「吓...個個靚仔啊...」Suki少有的感到害羞。 

「哈，平時成日笑我，宜家輪到你怕醜啦？」啊童說。 

「你地幾個！傾咩野計啊？傾得咁開心？去留堂班慢慢傾好冇？」正當我們說得興起之時，八婆禮大喝，打斷了我們的對話。 





「唔好唔好，Sorry Sorry，唔傾唔傾。」我立即補救，我可不想再去留堂班。 

那天放學後，我們全部人一起去了甜品鋪討論一下去長州玩的安排。 

「咁所以我地邊日去？」啊正問。 

「今個星期六同日？」我提議。 

「唔好啦，星期日會好多人，反正我地嚟緊個個星期五係教師發展日，我地放假，不如我地星期五同六去囉。」啊童說。

 「就咁決定啦，我宜家book㗎啦，兩間房吖嘛係咪呀。」 

「吓得兩間房點扑野啊？」Suki問。 

「Suki姐，放過我地啦好嘛？」我沒好氣地說。 





「你地唔會係諗住玩柏拉圖式愛情掛。野都唔扑？你冇性慾㗎？你唔打飛機㗎？」Suki連珠炮發地問。 

「屌你，咁你食咗個靚仔未啊？問問問！」我忍不住向她「回禮」。 

「吖你講開真係火都嚟，暗示極佢佢都好似冇反應咁。」Suki竟然坦白地說。

 「可能係人既問題喎呢個。」啊童想也沒想就立即衝口而出。

 「係咪想死啊啊童！」說罷Suki雙手無間斷地吱啊童，幸好食物剛好到了，才化解了這危機。 

「鬼叫你玩我地先咩~」啊童在Suki停手後補上一句。 

「我認真㗎喎，你諗唔諗住生個肥肥白白既BB仔比我玩下㗎？」 





「拖都未開始拍講到咁遠做咩啫你，食野啦你！」我說。




跪求大家Follow我既IG: MaanYin05