是咁的，我同女神做咗鄰居: 138.

「走啦，唔L想睇你兩個放閃啊。」魚蛋說。

 「屌，你兩個可唔可以唔好再攬埋一舊，有冇諗過我地既感受啊仆街？」輪到Suki說。

 在群眾壓力下，我倆唯有不捨地放開彼此。

 「拿拿臨執埋啲野去食飯啦，好肚餓啊，為咗幫你表白，搞到我地玩呢個On9遊戲玩咗成半個鐘。」啊正不滿地說。 

「得啦兄弟，一陣我既！」表白成功，心情靚啲，自然就唔會太介意少少錢。 





整理及執拾好所有物品後，我們便離開沙灘， 

沿路上我跟啊童沒有甚麼交流，主要係我怕羞，

唔敢拖佢隻手。 有時人就係好得意，

明明溝佢既時候大家完全唔尷尬，

 但係變咗做男女朋友之後就反而會尷尷尬尬咁，

唔係好敢同對方講野。 可能係因為突然身份上既轉換，

我地兩個又第一次拍拖，所以唔識點樣同對方相處。

 我應該叫佢做咩呢，駛唔駛改口叫佢做BB？

定童童？

 嘩屌好L肉麻，我自己都頂唔順。





 為了掩飾我自己的尷尬，於是我不斷地跟兄弟們說話。 

走到一半時，Suki終於忍不住，

走了過來我身邊。 

「喂搞乜L野啊你，溝到人之後你冇再同過啊童講野啦喎，你地男女朋友嚟㗎，至少都拖下人隻手啦...定係你怕.醜.啊？」料事如神的Suki自然不難猜中我不跟啊童說話的原因。

 「...」我沒有回應她。 

「你唔係比我講中咗下話？溝佢既時候你唔怕柒，又厚面皮，咩都做得出。宜家你溝到佢啦，你連手仔都唔敢拖！？咁你不如唔好拍拖好過啦，做朋友既時候起碼你會同佢講野吖，你宜家連野都唔敢同人多講喎。」 

「我唔敢拖佢...」

 「點解啊？」





 「怕醜。」 

「屌你！快L啲過去，一野捉9住佢隻手，十指緊扣咁樣。」Suki把我推過去啊童身邊。 

「你唔係同班兄弟傾得好開心㗎咩？」啊童問。 

「痴線，緊係唔係啦，點可以唔理女朋友㗎我，可~」 

「哼，口花花。」啊童反了反白眼說。

 在我們之後的路上，我跟啊童當然有繼續對話，

但我的手不知怎的，就是不敢握下去。





 啊童好像知道我在想甚麼似的，

偶爾無意的用尾指輕輕碰一下我的手， 

於是我便有樣學樣，又用自己的手碰她幾下。 

「唉屌，死就死啦。」這是我當時心中所想的。

 於是我便硬著頭皮，輕輕的用尾指勾著她的尾指，

打算先試探一下， 怎料到啊童一個反手，

竟主動牽起我的手來， 沒有預計過進展那麼快，

毫無心理準備的我，先是虎軀一震， 





吃了一個大驚，之後才意識到我比啊童搶了主導權。





跪求大家Follow我既IG: MaanYin05
你班友都癲癲地，幾個鐘唔夠我多咗十幾個fol，宜家加更。