為何回到旅館我就得救,皆因啊童並沒有男生房間的鎖匙,

所以我只要回到去關好門就成功保住自己的小命。
 

本身腳比啊童長的我,再加上之前苦練的體能,

我毫不費力便回到去旅館。


 (啫係個旅館就得兩層,成棟野都係我地既,一開大門就有條樓梯,第一層就女仔房,第二層就男仔房,大門鎖匙個個有,所以我就算鎖咗大門都冇用。) 



我打開大門,衝上房間,

拿出鎖匙,手緊張得震了起來,
 

好不容易對準了鎖匙孔,

那邊廂啊童已經打開大門,開始跑樓梯了。


 「咯咯咯」啊童上樓梯時發出的腳步聲,彷彿在催促我快點躲進房間。



 「喀」我終於打開到房門,我不加思索便一個閃身進入了房間中, 

我立即回頭關門,但外面卻有一道力在抗衡著,

原本啊童已經抵達了我房門之外,
 

「放.我.入.嚟!」啊童的聲音從門外傳入我的耳朵中。

 「好啊!」我突然鬆手,



隨便把結他放到床上,並轉身欲跑進廁所,


 而啊童則因為我突然鬆手而失了失平衡,

幸好她及時抓著門柄,才不至於倒地。


 原以為這一舉動能為我拖延了數秒,

奈何我實在是太低估啊童的身手,
 她未還完全站起來,

便如豹子般向我撲過來,

結果我倆當然是雙雙倒地。
 

片刻之間,我便反應過來並嘗試向前爬行逃走,



但啊童卻死死抱著我不讓我走,
 

早已筋疲力盡的我唯有放棄,乖乖接受命運。 

「喂喂喂啊童,放返低啲花先啦好嘛,都幾貴下㗎。」 

「哼。」她把花放到一旁。 

「不如我地起返身先啦。」 

「起?起咗我仲打到你既?頭先唔係好串嘴㗎咩?」啊童瞪大眼睛看著我。

 「對唔住啊~小人知錯啦!係小人唔啱啊!請娘娘原諒我啦。」我哭著說。



 「次次你都係咁講㗎啦,收嗲啦。」說罷啊童舉手作勢打下來,我立即抱頭並把自己捲成一團。

 過了良久,我見身體還未感受到任何痛楚,

於是便稍為移開雙手,看一看啊童,


 卻給我看到她在努力地忍著笑,手上拿著電話把我這奇特的姿勢拍下。

「呼...嚇死我,仲以為你真係打我。」我站起來說。

 「攞隻手嚟!」啊童伸出自己的右手。

 不敢違抗她命令的我只好乖乖把手伸出,

 她一把捉著我的手,張口狠狠地咬下去。 



「啊!!!」無盡的痛楚從手臂上傳來,令我忍不住大叫。

 過了好幾秒,我的手臂終於重見天日,

只見一個清晰的牙齒印已經被刻在我比被咬的位置上。
 

「莫非...呢個就係屬於我地既愛的印記?」我繼續作死。

 「愛你老母!」啊童大腳一伸,把我踢到跌回地上。

 「嗄...我地嚟拯救你啦啊言!」人未到聲先至,啊正的聲音從出面樓梯傳出。

 唔得...我唔可以比人睇到我比女朋友打到跌咗係地下到。



 我爭扎著起身, 

「呯!」大門比打開,隨即聽到一陣爆笑聲。



跪求大家Follow我既IG: MaanYin05 
已有 0 人追稿