是咁的，我同女神做咗鄰居: 179.

「認真答我。」啊童一面正經地說。

「吓，咁認真既你突然間，我都話咯，無論點我都會繼續愛你，就算我見唔到你，你唔再係我身邊，發生咩事都好，我都會繼續愛你。」我認真說。

「你覺得咩係愛呀咁？」 嘩啊童啲問題越嚟越難答既...

「我對你既感覺。」好彩我轉數快啫...嘻。

啊童聽到後甜甜一笑，甜得快要融化我心窩。





「成日都口花花。」

「痴線，咩口花花，真心換絕情！」

「你可唔可以應承我呢一生一世都剩係愛我一個。」

「唔得...我仲要愛埋我地第時個BB。」

「除咗個BB之外呢咁，嗱我冇話應承你會同你生㗎，我係話如果咋。除咗個BB之外你係唔係剩係愛我一個。」





「係呀係呀，咁驚做咩啫，係咪發燒會搞到個人冇安全感㗎。你放心喎，我女朋友咁~正，唔愛你愛邊個喎。」我篤一篤她的臉頰。

「勾手指尾吖。」啊童把她的尾指伸出。

「駛唔駛呀...」話雖如此，但我仍然配合地把尾指伸出勾著她的尾指。

「嗱，勾過手指尾㗎我地，你唔準唔愛我呀。」啊童說。

「得啦得啦，都話唔會咯，以後都剩係愛你一個，都唔明你今日搞乜，其實你係咪燒壞咗個腦，講埋晒啲奇奇怪怪既野，好心你啦，可唔可以比啲信心我呀，我似係啲咁既人咩？我不知幾專一，至少都中出咗先至飛你啦。」





「你講乜野呀！又講衰野...」啊童不滿地說。

「唔講唔講，總之我都係想帶出無論點都唔會離開你，OK啦？放心啦？」

「唔...」啊童滿意地點一點頭，

「唔好再亂諗嘢啦你，無論點我都會喺你身邊陪住你同愛你。講夠嘢啦你，快啲瞓覺啦。」害怕比她繼續追問下去的我說。

「講故仔比我聽！」

「傻㗎你，咁大個人都仲要聽故仔先瞓得著。」

「你歧視呀？邊個話大個就唔可以有臨瞓前聽故仔既習慣㗎？」

「得得得，怕咗你，乜你發燒都咁串咁惡㗎！想聽咩題材既故事呀你？」我問。





「是但啦，你決定。」

「嗱你話㗎。喺好耐好耐以前，有個人眼前有條魚同熊掌，但係佢剩係可以揀一樣，於是佢就講『魚係我想要既野，熊掌都係我想要既野。如果兩樣野我唔可以要哂既話，咁我唯有...』」

「咩故事嚟㗎，好悶呀，有冇啲得意啲既故事呀？」啊童不滿地說。

「嘻，就係悶先好，包你瞓著。反正你而家聽定先都冇壞既，下年你都要學㗎啦。」我說。

「下年點會要學呢啲嘢呀？」啊童不解地問。

「咩呀，十二篇範文喎，考DSE一定要學㗎喎。」我說。

「唔想聽呀，你講過另一啲得意啲既故仔，唔好再講咩範文啦。」












跪求大家Follow我既IG: MaanYin05